Սնկով կրեմ ապուր՝ սերուցքով
Սնկով կրեմ ապուր
Ողջույն, ընկերներ
Այսօր Ձեզ հետ կկսիվեմ սնկով կրեմ ապուրի շատ պարզ բաղադրատոմսով:
Այն շատ նուրբ ու անուշաբույր է ստացվում՝ խիտ կրեմային տեքստուրայով և, գլխավորը, պատրաստման համար նվազագույն ժամանակ է պահանջում:
Այսպես, մեզ անհրաժեշտ է.
Բաղադրատոմսը՝
Շամպինիոններ - 700 գր.
Կարտոֆիլ - 2 հատ (միջին)
Սոխ - 1 հատ
Կարագ - 20 գր.
Բուսայուղ - 2 ճ. գդ.
Սերուցք 10% կամ 20% - 200 գր.
Մշկընկույզ - 1/3 թ. գդ.
Աղացած սև պղպեղ - 1/3 թ. գդ.
Աղ՝ ըստ ճաշակի
Սնկով կրեմ ապուր
Պատրաստման եղանակը
Կարտոֆիլը խորանարդաձև կտրատում ենք, լցնում կաթսայի մեջ, ավելացնում ջուրն այնպես, որ այն ծածկի կարտոֆիլը և դնում ենք եփվելու:
Այդ ընթացքում լվանում ենք սունկը, չորացոնում և կտրատում:
Մանրացնում ենք սոխը:
Տապակի մեջ լցնում ենք բուսայուղը, ավելացնում կարագը և դրա մեջ տապակում սոխը: Ավելացնում ենք սունկն ու շոգեխաշում այնքան, մինչև կգոլորշիանա ողջ խոնավությունը:
Կարտոֆիլը եփվելուց հետո մենք դրա ջրի մի մասը լցնում ենք առանձին ամանի մեջ: Այդ արգանակը մեզ կարող է անհրաժեշտ լինել ապուրը ցանկալի խտության հասցնելու համար:
Կարտոֆիլին ավելացնում ենք սունկն ու սոխը և բլենդերի օգնությամբ ստանում խյուս:
Խյուսին ավելացնում ենք սերուցքն ու դնում միջին կրակի վրա, որպեսզի ապուրը տաքանա, բայց ոչ մի դեպքում այն չենք եռացնում. հակառակ դեպքում սերուցքը կկտրվի:
Եթե ապուրը խիտ է ստացվել, ավելացրեք կարտոֆիլի արգանակն ու բերեք այն խտության, որը ձեզ է դուր գալիս:
Համեմում ենք աղով, պղպեղով, ավելացնում մշկընկույզն ու վերջ, ապուրը պատրաստ է:
Շատ հեշտ և արագ)))
Մատուցելիս կարող եք զարդարել տապակած սնկի շերտերով և մաղադանոսի տերևով:
Բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected