Սաղմոն սպանախով` նուրբ սերուցքային սոուսի մեջ
Սաղմոն սպանախով` նուրբ սերուցքային սոուսի մեջ
Ողջույն ընկերներ
Այս բաղադրատոմսն իդեալական է, երբ պետք է տպավորել նրբաճաշակ ընթրիքով, բայց ժամանակ քիչ ունեք. ընդամենը կես ժամ և ռեստորանային մակարդակի ուտեստը պատրաստ է:
Խորհուրդ. եթե գնել եք սառեցված սաղմոն, թողեք, որ այն ամբողջությամբ հետ գա՝ ընդ որում ոչ թե սենյակային ջերմաստիճանում, այլ հենց սառնարանում. այդպես ձուկը կպահպանի անհրաժեշտ խոնավությունն ու հյութալի կստացվի: Սպանախը կարող է լինել ինչպես թարմ, այնպես էլ սառեցված:
Եվ այսպես, մեզ անհրաժեշտ է.
Բաղադրիչները՝
Սաղմոնի ֆիլե – 4 կտոր
Սոխ – 1 ոչ մեծ գլուխ
Սխտոր – 5 պճեղ
Չոր սպիտակ գինի – 100 մլ
Սերուցք 20% - 150 մլ
Սպանախ – 150 գր.
Քերած պարմեզան – 2 ճ. գդ.
Կիտրոն – 1 հատ
Թարմ բազիլիկ (կանաչ ռեհան) – մի քանի տերև
Աղ՝ ըստ ճաշակի
Թարմ աղացած սև պղպեղ՝ ըստ ճաշակի
Սաղմոն սպանախով` նուրբ սերուցքային սոուսի մեջ
Պատրաստման եղանակը.
Ձիթայուղը տաքացնում ենք մեծ թավայի մեջ՝ միջին կրակի վրա: Սաղմոնի ֆիլեն երկու կողմերից համեմում ենք աղով և սև պղպեղով, դնում թավայի մեջ՝ կաշվով վերև և տապակում 2-3 րոպե, ինչից հետո շրջում ենք և տապակում ևս 2 րոպե:
Ֆիլեն դնում ենք թղթե սրբիչի վրա՝ ավելորդ յուղից ազատվելու համար: Ցանկության դեպքում կարող եք զգուշորեն հանել կաշին:
Այս նույն թավայի մեւ տապակում ենք մանր կտրատված սոխն ու սխտորը՝ մինչև ոսկեգույն դառնալը: Լցնում ենք գինին և 1-2 րոպե լավ եփ տալիս:
Ցածրացնում ենք կրակը, լցնում սերուցքը և համարյա հասցնում եռման աստիճանի: Այնուհետև ավելացնում ենք կտրատված սպանախը (չմոռանաք նախօրոք այն լվանալ) և եփում 1 րոպե, որպեսզի սպանախի տերևները մի փոքր փափկեն:
Ավելացնում ենք բարակ կտրատված կիտրոնի շերտերը, սոուսի վրա շաղ ենք տալիս քերած պարմեզանը և խառնում մինչ այն կհալչի:
Համեմում ենք աղով, սև պղպեղով, սոուսի մեջ դնում տապակած սաղմոնն ու տաքացնում ենք մեկ րոպեի ընթացքում:
Բազիլիկը տերևները պատառոտում ենք և շաղ տալիս ձկան վրա:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected