Տապակած մանդարինով և ծովախեցգետնի ձողերով աղցան
Տապակած մանդարինով և ծովախեցգետնի ձողերով աղցան
Ողջույն ընկերներ
Այսօր կիսվելու եմ օրիգինալ, թեթև, համեղ աղցանի բաղադրատոմսով, շատ հեշտ պատրաստվող և չափազանց համեղ աղցանի բաղադրատոմսով, որը վստահ կարող եք ներառել ձեր տոնական մենյուում:
Նմանատիպ աղցանը կարող եք մատուցել անհատական բաժիններով՝ գեղեցիկ ֆորմայի կամ գավաթի մեջ:
Բաղադրիչները՝
Ծովախեցգետնի ձողիկներ – 12 հատ
Մանդարին – 3 հատ
Ձու – 3 հատ
Ձիթապտղի յուղ – 1 ճ. գդ.
Բալզամիկ քացախ – 1 ճ. գդ.
Թանձրուկի համար
Բնական յոգուրտ – 100 գր
Մայոնեզ – 1 լրիվ ճ. գդ.
Տաբասկո սոուս – մի քանի կաթիլ
Աղացած սև պղպեղ՝ ըստ ճաշակի
Աղ՝ ըստ ճաշակի
Տապակած մանդարինով և ծովախեցգետնի ձողերով աղցան
Պատրաստման եղանակըԾովախեցգետնի ձողիկները կտրատում ենք բարակ երկարաձև:
Ձուն պինդ խաշում ենք, կտրատում խոշոր խորանարդների և ավելացնում ծովախեցգետնի ձողիկներին:
Մանդարինը բաժանում ենք պճեղների, մաքրում սպիտակ երակներից և տապակում ձիթայուղի մեջ՝ մեկական րոպե յուրաքանչյուր կողմից:
Լցնում ենք բալզամիկ քացախն ու շարունակում տապակել մինչ այն կգոլորշիանա: Դա կտևի մոտ 1-2 րոպե:
Մանդարիններն ավելացնում ենք աղցանին և համեմում աղով:
Թասի մեջ միախառնում ենք յոգուրտը, մայոնեզը, Տաբասկոն և սև պղպեղը ու ստացված թանձրուկը լցնում աղցանի վրա:
Մատուցելիս կարելի է զարդարել նռան հատիկներով:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected