Կանաչ լոբով և լոլիկով ուտեստ
Կանաչ լոբով և լոլիկով ուտեստ
Ողջույն ընկերներ
Այսօրվա ուտեստը լինելու է կանաչ լոբով:
Առհասարակ կանաչ լոբի շատ եմ սիրում. այն ունի ցածր կալորիականություն, շատ հարուստ է վիտամիններով, ինչի շնորհիվ ամրացնում է առողջությունը և օգնում օրգանիզմին պայքարել ինֆեկցիաների դեմ:
Կանաչ լոբին պարունակում է բավականին հազվագյուտ վիտամին K, որն անհրաժեշտ է արյան նորմալ մակարդման և կալցիումի յուրացման համար: Կանաչ լոբուց պատրաստված ուտեստները հիանալի են բոլոր նրանց համար, ովքեր ցանկանում են վարել առողջ ապրելակերպ:
Ես սեզոնին հավաքում եմ կանաչ լոբու իմ պաշարը, սառեցնում այն և պատրաստում կլոր տարի:
Եվ այսպես.
Բաղադրությունը՝
Կանաչ լոբի – 600-700 գր.
Լոլիկ – 2 հատ
Սոխ – 2 գլուխ
Սխտոր 2-3 պճեղ
Համեմ և մաղադանոս – 1 կապ
Բուսայուղ – 80 գր.
Աղացած կարմիր պղպեղ – 0.5 թ. գդ.
Խմելի սունելի – 0.5 թ. գդ.
Աղ՝ ըստ ճաշակի
Կանաչ լոբով և լոլիկով ուտեստ
Պատրաստման եղանակը՝
Լվանում ենք լոբին և անկյունագծով շատ բարակ կտրում այն:
Եփում ենք և շուռ տալիս քամիչի մեջ. թողնում ենք, որ ջուրը քամվի:
Կտրատում ենք սոխը՝ բարակ կիսալուսնաձև:
Մեծ տապակի մեջ տաքացնում ենք բուսայուղը և տապակում սոխը՝ մինչ ոսկեգույն դառնալը:
Լոլիկները թողնում ենք եռացրած ջրի մեջ 1-2 րոպե, հեռացնում կաշին և խորանարդաձև կտրատում:
Սոխին ավելացնում ենք խաշած լոբին, լոլիկը, սխտորն ու համեմունքները:
Խառնելով եփում ենք ևս 5 րոպե: Վերջում ավելացնում ենք մանր կտրատված կանաչին և վերջ, լոբին պատրաստ է:
Արագ, հեշտ և անչափ համեղ
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected