Ռուլետ օմլետից` սաղմոնով և ռիկոտայով
Ռուլետ օմլետից` սաղմոնով և ռիկոտայով
Ողջույն ընկերներ
Այսօր պատրաստելու ենք շատ համեղ և գունեղ նախուտեստ. ռուլետ օմլետից` թույլ աղը դրած սաղմոնով:
Նախուտեստը պարզ ու արագ է պատրաստվում և նույնքան էլ արագ անհետանում է սեղանից:
Ի դեպ, սաղմոնը ես ինքս եմ աղը դրել, անցեք հղումով և կարդացեք բաղադրատոմսը ☺️ Անպայման այն պատրաստեք, հաստատ չեք փոշմանի 😉
Բաղադրիչները՝
Օմլետի համար
Ձու – 4 հատ
Կաթ – 100 մլ
Աղ – 1/3 թ. գդ.
Աղացած սև պղպեղ – մի պտղունց
Կարագ՝ տապակելու համար
Միջուկի համար
Թույլ աղը դրած կարմիր ձուկ – 200 գր.
Ռիկոտա (կամ կաթնաշոռ) – 150 գր.
Կաթնաշոռային պանիր – 100 գր.
Թթու վարունգ – 200 գր.
Սամիթ - կես կապ
Մայոնեզ – 1-2 ճ. գդ.
Աղ – մի պտղունց
Ռուլետ օմլետից` սաղմոնով և ռիկոտայով
Պատրաստման եղանակը
Թասի մեջ վենչիկով հարում ենք ձուն, կաթը, աղն ու աղացած սև պղպեղը:
Մի փոքր կարագը տաքացնում ենք հաստ հատակով մեծ թավայի մեջ, դրա մեջ ենք լցնում հավկիթային զանգվածի կեսն ու տապակում:
Պետք չէ կափարիչով ծածկել թավան, որպեսզի օմլետը չբարձրանա. մեզ ավելորդ փքունություն պետք չէ:
Երբ օմլետը մի կողմից արդեն պատրաստ կլինի, շրջում ենք այն մյուս կողմ: Դրա համար մեզ պետք կգա հարմար բռնակով լայն հարթ կափարիչ. դրանով ծածկում ենք թավան, օմլետը շրջում կափարիչի վրա, ինչից հետո այն զգուշությամբ շուռ ենք տալիս թավայի մեջ:
Եթե կկարողանաք փայտե գդալով շրջել օմլետն այնպես, որ այն չպատռվի, ավելի լավ, հարկ չի լինի ավելորդ ավելորդ գլուխ ցավեցնել 😊
Նույն եղանակով տապակում ենք նաև երկրորդ օմլետը:
Իսկ հիմա պատրաստենք միջուկը.
Ռիկոտային ենք ավելացնում կաթնաշոռային պանիրը, խոշոր քերիչով անցկացրած վարունգները (քերելուց հետո դրանք պետք է քամել), մանրացված սամիթը, մայոնեզն ու աղը:
Օմլետի առաջին շերտին հավասարաչափ քսում ենք միջուկը (եթե զգում եք, որ միջուկը շատ է ստացվել, ամբողջը մի քսեք, որպեսզի փաթաթելիս կողքերից դուրս չգա), այնուհետև՝ ծածկում երկրորդ շերտով, վրան դնում բարակ սլայսերով կտրատված ձուկն ու ռուլետաձև պտտում:
Ստացված ռուլետը փաթաթում ենք ֆոլգայի կամ սննդային թաղանթի մեջ և դնում սառնարանը՝ մի քանի ժամով կամ ամբողջ գիշեր:
Մատուցելուց առաջ ռուլետը զգուշորեն բաժանում ենք կտորների: Կարող եք մատուցել բարակ կտրատված կիտրոնով:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected