Հունական պիրոգ Սպանակոպիտա
Սպանակոպիտա
Ողջույն ընկերներ
Սպանակոպիտան հունական ավանդական պիրոգ է՝ սպանախով և պանրով:
Դրա պատրաստման համար օգտագործվում է ֆիլո խմոր, որը հունարենից թարգմանաբար նշանակում է «շերտ»:
Ֆիլոն թղթի բարակություն ունի: Մենք մեզ չենք ծանրաբեռնի այս խմորի պատրաստմամբ, հատկապես, որ այդ գործընթացը շատ աշխատատար է և որոշակի հմտություններ է պահանջում, այլ կօգտագործենք պատրաստի խմոր, որը կարելի է գնել ցանկացած սուպերմարկետից:
Խորհուրդ չեմ տալիս ֆիլոն փոխարինել շերտավոր խմորով, որովհետև այդ դեպքում կստանաք սովորական պիրոգ, ոչ թե սպանակոպիտա:
Եվ այսպես, մեզ հարկավոր է.
Բաղադրությունը
Ֆիլո խմոր – 500 գր.
Ֆետա պանիր – 200 գր.
Մոցարելլա – 200 գր.
Թարմ սպանախ – 2 կապ
Կանաչ սոխ – 1 կապ
Մաղադանոս – 1 կապ
Սամիթ – 1 կապ
Ձու – 3 հատ
Թարմ քերած մշկընկույզ – 0.5 թ. գդ.
Աղ – 1 պտղունց
Հալեցրած կարագ – 150 գր.
Սպանակոպիտա
Պատրաստման եղանակը
Կտրատում ենք սպանախն ու մնացած կանաչիները, փշրում ֆետա պանիրը, ավելացնում քերած մոցարելլան, պատառաքաղով հարած ձուն, մշկընկույզը և, անհրաժեշտության դեպքում, 1 պտղունց աղ: Լավ խառնում ենք:
Եթե պանիրն աղի է, հնարավոր է և աղի կարիք չլինի:
Տապակի մեջ հալեցնում ենք կարագը:
Ֆորմային վրձնով քսում ենք կարագը և դնում խմորի առաջին շերտն այնպես, որ դրա եզրերը մի փոքր դուրս գան տապակի կողքերից:
Խմորի վրա կարագ ենք քսում և դնում երկրորդ շերտը: Դա վրա նույնպես բարակ շերտով կարագ ենք քսում և դնում երրորդ շերտը: Եվ այդպես 6-7 շերտ, որոնցից յուրաքանչյուրի եզրը պետք է կախված լինի ֆորմայի կողքերից:
Ավելացնում ենք միջուկը և ծածկում շերտերով՝ դրանցից յուրաքանչյուրի վրա նույնպես կարագ քսելով:
Մոտավորապես մեջտեղում շերտերի կախված մասերով ծածկում ենք պիրոգը, կարագ քսում և ծածկում ևս 2-3 շերտով: Պիրոգի վերևի շերտին կրկին կարագ ենք քսում և սուր դանակով ոչ խորը կտրվածքներ անում՝ կարծես մասերի բաժանելով:
Պիրոգը թխում ենք 180 °С ջերմաստիճանի տակ 30-40 րոպե՝ մինչ ոսկեգույն դառնալը:
Մատուցում ենք պիրոգը տաք վիճակում:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected