Սալորով պիրոգ կաթի վրա
Սալորով պիրոգ կաթի վրա
Ողջույն ընկերներ
Քանի դեռ սալորի սեզոն է, շտապեմ կիսվել այս հեշտ, բայց չափազանզ համեղ, նուրբ ու անուշաբույր պիրոգի բաղադրատոմսով:
Ի դեպ, այս բաղադրատոմսով պիրոգը կարող եք պատրաստել ցանկացած սեզոնային մրգից կամ հատապտղից:
Եվ այսպես, մեզ անհրաժեշտ է.
Բաղադրիչները՝
Սալոր 9-10 հատ (կախված է թխելու ֆորմայի տրամագծից)
Ձու – 4 հատ
Շաքարավազ – 150 գր.
Ալյուր - 250 գր.
Հալացրած կարագ – 100 գր.
Կաթ – 125 մլ.
Վանիլին – դանակի ծայրով
Փխրեցուցիչ - 1 թ. գդ.
Աղ – մի պտղունց
Սալորով պիրոգ կաթի վրա
Պատրաստման եղանակըԼվանում ենք սալորը, կիսում երկու մասի ու հեռացնում կորիզը:
Պատրաստում ենք խմորը.
Հարում ենք ձուն, շաքարավազն ու մի պտղունց աղը: Երբ զանգվածը կփքվի, ավելացնում ենք հալեցրած կարագը, կաթն ու վանիլինը և մի քանի վայրկյան շարունակում հարել՝ արդեն ցածր արագությամբ:
Լցնում ենք ալյուրն ու փխրեցուցիչը և այս անգամ վենչիկով խառնում:
Ֆորմայի հատակին պերգամենտ ենք փռում և վրան ու ֆորմայի կողքերը կարագ քսում:
Լցնում ենք խմորը և վրան շարում սալորները (կապ չունի կտրվածքը վերև, թե ներքև, միևնույն է դրանք սուզվելու են խմորի մեջ):
Ֆորման դնում ենք նախապես 180° ջեռոցը՝ 35-40 րոպեով: Պատրաստ լինելը ստուգում ենք ատամի փայտիկով:
Պատրաստի պիրոգի վրա կարելի է շաքարի փոշի շաղ տալ և զարդարել սալորի շերտերով:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected