Ֆրանսիական տոստ-ռոլ. հիանալի նախաճաշ
Ֆրանսիական տոստ-ռոլ
Ողջույն ընկերներ
Ով չգիտի ֆրանսիական հայտնի տոստը, որը մենք անվանում ենք գրենկիներ:
Առաջարկում եմ դասականին նայենք նոր ռակուրսից և դրանից պատրաստենք ինքնատիպ գլանակ-ռուլետներ՝ միջուկով:
Միջուկի հետ կարող եք էքսպերիմենտներ անել, որքան ձեր սիրտը կուզի, իսկ ես միայն երկու օրինակ կբերեմ:
Իմիջայլոց, սա նախաճաշի շատ լավ տարբերակ է. արագ, թեթև և, ամենակարևորը, համեղ:
Եվ այսպես,
Բաղադրիչները
Ձու – 2 հատ
Կաթ – 1/3 բաժակ
Շաքարավազ – 2 ճ. գդ.
Աղ – 1 պտղունց
Վանիլին – 1 պտղունց
Աղացած դարչին – 0.5 թ. գդ.
Տոստի սպիտակ հաց – 6 կտոր
Կարագ տապակելու համար – 50 գր.
Միջուկի համար
Սերուցքային կամ կաթնաշոռային պանիր (օրինակ՝ Almette)
Ազնվամորի կամ ցանկացած հատապտուղ
Ֆրանսիական տոստ-ռոլ
Պատրաստման եղանակը
Հարում ենք ձուն, կաթը և շաքարավազը, ավելացնում՝ աղ,վանիլին ու դարչին: Ստացված զանգվածը դնում ենք մի կողմ:
Հացի կողային մասերը բոլոր կողմերից կտրում ենք: Գրտնակում ենք հացի յուրաքանչյուր կտորը, որ այն դառնա ավելի հարթ և ճկուն:
Հացի կտորի ներքևի եզրին քսում ենք 1 լիքը թ. գդալ սերուցքային պանիրը: Դրա վրա շարում ենք ազնվամորին երկու շարքով:
Միջուկի քանակի հետ եղեք զգույշ, պետք չէ այն չափից շատ դնել, հակառակ դեպքում միջուկը կողքերից դուրս կգա:
Հացի կտորը ձիգ փաթաթում ենք ռուլետի տեսքով:
Ստացված ռուլետներից յուրաքանչյուրը ընկղմում ենք ձվային զանգվածի մեջ այնպես, որ ռուլետն ամբողջությամբ ծածկենք բոլոր կողմերից՝ հատկապես բաց եզրերը:
Տապակի մեջ միջին կրակի վրա հալեցնում ենք կարագն ու ավելացնում 2 ճ. գդ. բուսայուղ և բոլոր կողմերից տապակում ռուլետները:
Մատուցելուց առաջ դրանց վրա շաքարի փոշի ենք շաղ տալիս:
Ֆրանսիական տոստ-ռոլ
Այսպիսի ռուլտներ կարելի է պատրաստել նաև աղի միջուկով: Այդ դեպքում մեզ պետք կլինի 6 բարակ կտոր Չեդեր պանիր և 3 նրբերշիկ:
Եվ, ամենակարևորը, հավկիթին շաքարի, վանիլինի և դարչինի փոխարեն ավելացրեք աղացած պղպեղ և օրեգանո:
Հացի յուրաքանչյուր կտորի վրա դնում ենք պանրի բարակ կտոր և կես նրբերշիկ, փաթաթում ռուլետի տեսքով, այն ընկղմում ձվի մեջ և տապակում:
Մատուցում ենք կետչուպով կամ մանանեխով:
Վուալյա
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected