Հավի նուրբ կոտլետներ հեղուկ խմորի (кляр) մեջ
Հավի նուրբ կոտլետներ հեղուկ խմորի (кляр) մեջ
Ողջույն ընկերներ
Եթե դուք արդեն հոգնել եք հավի սովորական կոտլետներից, դրանք կարելի է վերափոխել բոլորովին նոր երանգ ունեցող անսովոր ուտեստի:
Այսպիսի կոտլետները շատ համեղ և հյութալի են ստացվում: Բացի այդ՝ դրանք կարելի է պատրաստել նախօրոք, պահել սառցարանում և անհրաժեշտության դեպքում հալեցնել ու տապակել:
Եվ այսպես, մեզ անհրաժեշտ է.
Բաղադրիչները՝
Հավի կրծքամիս – 600 գր.
Սոխ – 1 գլուխ
Աղացած կարմիր պղպեղ – 0.5 թ. գդ.
Աղ՝ ըստ ճաշակի
Միջուկի համար
Կարագ – 80 գր.
Սամիթ
Հեղուկ խմորի համար
Ձու – 2 հատ
Կիտրոնի հյութ – 1 ճ. գդ.
Քրքում – 0.5 թ. գդ.
Աղացած կարմիր պղպեղ – 0.5 թ. գդ.
Սխտորի փոշի – 0.5 թ. գդ.
Աղ՝ ըստ ճաշակի
Փխրեցուցիչ – 0.5 թ. գդ.
Ջուր – 100 մլ
Ալյուր – 3-4 ճ. գդ.
Հավի նուրբ կոտլետներ հեղուկ խմորի (кляр) մեջ
Պատրաստման եղանակը
Պատրաստում ենք ֆարշը:
Մսաղացով աղում ենք միսն ու սոխը երկու անգամ. այսպես ֆարշը շատ նուրբ է ստացվում: Ավելացնում ենք համեմունքները:
Պինդ կարագը բաժանում ենք ոչ մեծ ուղղանկյուն կտորների: Լավ մանրացնում ենք սամիթի տերևները. կոթերը
պետք չեն:
Սննդային թաղանթի վրա դնում ենք մեկ լիքը ճաշի գդալ ֆարշից, հավասարեցնում ենք այն, որպեսզի քառակուսի
ստացվի:
Կարագի կտորը թաթախում ենք կտրատված սամիթի մեջ, դնում ենք ֆարշի կենտրոնում և թաղանթի օգնությամբ
ֆարշը փաթաթում ենք երշիկի տեսքով:
Կոտլետները թողնում ենք թաղանթով փաթաթված և դնում սառցարանը՝ 20-25 րոպեով:
Այդ ընթացքում պատրաստենք հեղուկ խմորը:
Հավի նուրբ կոտլետներ հեղուկ խմորի (кляр) մեջ
Թասի մեջ հարում ենք ձուն և կիտրոնի հյութը, ավելացնում համեմունքները, ջուրը, 3 գդալ ալյուրն ու փխրեցուցիչը:
Խմորի կոնսիստենցիան պետք է նման լինի թանձր թթվասերի: Անհրաժեշտության դեպքում ավելացրեք 4-րդ գդալ ալյուրը:
Պատրաստում ենք ալյուրով լցված ևս մեկ ոչ մեծ թաս:
Սառցարանից հանում ենք կոտլետները և հեռացնում թաղանթը:
Սկզբում կոտլետները թաթախում ենք ալյուրի մեջ, այնուհետև՝ խմորի և բոլոր կողմերից տապակում տաքացրած ձիթայուղի մեջ՝ մարմանդ կրակի վրա՝ մինչ ոսկեգույն դառնալը:
Կոտլետները կարելի է մատուցել ցանկացած գարնիրի հետ:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected