Բուժենինա խոզի մսից
Բուժենինա խոզի մսից
Բարի օր, ընկերներ
Այսօր ուզում եմ կիսվել ձեզ հետ անմահական բուժենինայի բաղադրատոմսով: Այն իսկապես շատ համեղ և անուշաբույր է:
Պատրաստելով միսը այս եղանակով գեթ մեկ անգամ՝ դուք այլևս չեք ցանկանա պատրաստել այն մեկ այլ ձևով, հավատացնում եմ☺️
Ասեմ,որ այս ուտեստի գլխավոր գաղտնիքը՝ մարինադի մի քանի տեսակն է: Հենց դրանց շնորհիվ է բուժենինան լավ մարինացվում և արդյունքում ստացվում գերհյութալի և նուրբ:
Պատրաստման պրոցեսը, իհարկե, բազմափուլ է,բայց բացարձակ բարդ չէ:
Եվ այսպես, անցնենք գործի:
Բաղադրիչները՝
Խոզի միս բուդ կամ վզի հատվածը - 2-3 կգ
Մարինադ 1
Մածուն կամ կեֆիր - 1-1,5 լ.
Մարինադ 2
Ջուր - 3 լ.
Կոճապղպեղ - 50 գր.
Թարմ չիլի պղպեղ - 1 հատ
Դափնետերև - 3 հատ
Թարմ ռոզմարին - 1 ճյուղ կամ չորացրած - 1 թ.գդ.
Ուրց թարմ կամ չորացրած - 2 թ.գ.
Հատիկավոր սև պղպեղ - 10-12 հատ Մեխակ - 3-4 հատ Համեմի սերմ - 1 թ.գդ.Աղ - 2,5 ճ.գդ.
Բուժենինա խոզի մսից
Մարինադ 3
Սխտոր - 4-5 պճեղ
Կոճապղպեղ - 30 գր.
Չիլի պղպեղ - 1 հատ
Համեմի սերմ - 1 թ.գդ.
Աղացած կարմիր պղպեղ - 2 թ.գդ.
Աղացած սև պղպեղ - 1 թ.գդ.
Ռոզմարին.....1 ճյուղ կամ չորացրաած - 1 թ.գդ.
Ուրց թարմ կամ չորացրած - 2 թ.գդ.
Աղ` ըստ ճաշակի
Զեյթունի ձեթ (կարելի է նաև արևածաղկի կամ եգիպտացորենի) - 4-5 ճ.գդ.
Բուժենինա խոզի մսից
Պատրաստման եղանակը
Մինչ միսը կմարինացնեմ մածունի մեջ՝ ես այն ծակծկում եմ սուր դանակով մի քանի տեղով և դնում եմ սառը ջրի մեջ՝ մի քանի ժամով:
Այդպիսով մսից դուրս է գալիս ավելորդ արյունը:
Եթե ձեզ մոտ մսի կտորը չի գերազանցում 2 կգ-ը, ապա այս փուլը կարող եք բաց թողնել:
Այնուհետև ջուրը թափում ենք և լցնում մսի վրա մածունը, որը ամբողջովին պետք է ծածկի միսը: Թողնում ենք ևս մի 3 ժամ: Այդ ընթացքում պատրաստում ենք երկրորդ մարինադը:
Ջուրը կաթսայով դնում ենք կրակին:
Ջուրը եռալուն պես ավելացնում ենք կտրատված կոճապղպեղը, չիլին և բոլոր համեմունքները:
Եռացնում ենք 1-2 րոպե, վերցնում կրակի վրայից և թողնում սառչի:
Միսը հանում ենք մածունի միջից, տեղափոխում ենք երկրորդ մարինադով կաթսայի մեջ և թողնում ամբողջ գիշեր սառնարանում կամ պարզապես հով վայրում:
Հաջորդ օրը հանում ենք միսը մարինադի միջից, լավ չորացնում թղթից սրբիչով, դնում մի կողմ և անցնում երրորդ մարինադի պատրաստմանը:
Բլենդերում մանրացնում ենք սխտորը, կոճապղպեղը, չիլի պղպեղը, համեմի սերմը և զեյթունի ձեթը՝ վերածելով միասեռ զանգվածի:
Ավելացնում ենք աղը, կարմիր և սև պղպեղները, ուրցը և ռոզմարինը:
Եթե չունեք բլենդեր,ապա կարող եք այս ամենը տրորել հավանգում (ступка), բայց այդ դեպքում ձեթը կավելացնեք վերջում:
Այս զանգվածն ունի մի արտակարգ բույր:
Լավ տրորում ենք զանգվածը մսի վրա ամեն կողմից և թողնում սեղանի վրա մի կես ժամ, որպեսզի միսն իր մեջ քաշի համեմունքների բույրն ու համը:
Այնուհետև շատ ամուր փաթաթում ենք միսը ֆոլգայի մեջ, որպեսզի անցք չմնա, դնում ենք տապակի վրա, լցնում 200-300 մլ ջուր և ուղարկում նախապես 180° տաքացված ջեռոցը՝ 2-2,5 ժամով:
Այնուհետև բացում ենք ֆոլգան և շարունակում ենք տապակել ևս 15-20 րոպե՝ մինչ կարմրելը:
Ահա և վերջ. բուժենինան արտակարգ տեսք և բույր ունի:
Բուժենինա խոզի մսից
Ծածկում ենք ֆոլգայով և թողնում միսը հանգստանալու սենյակային ջերմաստիճանին մի կես ժամ:
Կարելի է մատուցել թե՛ տաք, թե՛ սառը վիճակում:
Անձամբ ինձ ավելի դուր է գալիս սառը վիճակում☺️ Եղեք առողջ և բարի ախորժակԲաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected