Բիթլիսի կծու ապուր
Բիթլիսի կծու ապուր
Ողջույն ընկերներ
Քանի որ ես շատ եմ սիրում արևմտահայկական խոհանոցը, այսօր որոշեցի ձեզ հետ կիսվել մի շատ հետաքրքիր ապուրի օրիգինալ բաղադրատոմսով:
Այն ինձ փոխանցել է իմ բարեկամուհին, ով գաղթել էր Արևմտյան Հայաստանից: Նա վաղուց մահացել է, սակայն ի հիշատակ նրա, ես հաճախ եմ պատրաստում այս ապուրը, որը հիացնում է բոլոր համտեսողներին:
Չեմ կարող հստակ խոսել ապուրի ծագումից, սակայն, ելնելով անվանումից, ակնհայտ է, որ այն պատրաստում էին բիթլիսահայերը:
Չնայած առաջին հայացքից թվացյալ բարդությանը, ուտեստը բավականին հեշտ է պատրաստվում:
Եվ այսպես, սկսենք
Բիթլիսի կծու ապուր
Բաղադրիչները՝
Արգանակի համար
Ոսկրածուծով տավարի ոսկոր - 1-2 հատ
Չիլի պղպեղ - 1 հատ
Կես կիտրոնի հյութ
Տոմատի մածուկ - 1 ճ. գդ
Աղ՝ ըստ ճաշակի
Ֆարշի համար
Տավարի աղացած միս - 1 կգ
Մանր աղացած բլղուր - 1 բաժակ
Աղացած սև պղպեղ - 1 թ. գդ.
Աղ՝ ըստ ճաշակի
Միջուկի համար
Սոխ - 2 գլուխ
Թթու սալորաչիր կամ նռան հատիկներ - 200-300 գր.Չորացրած ռեհան - 2 ճ. գդ.
Անանուխ - 1 ճ. գդ.
Աղացած կարմիր պղպեղ - 1 ճ. գդ.
Բուսայուղ - 4 ճ. գդ.
Կարագ - 30 գր.
Պատրաստման եղանակը
Լվանում ենք ոսկորնեն ու դնում եփվելու:
Հենց ջուրը կսկսի եռալ, գցում ենք չիլի պղպեղը: Եթե ուզում եք, որ ապուրը լավ կծու ստացվի, մինչ պղպեղը գցելը պետք է վրան կտրվածք անել, որպեսզի կծվությունը լավ դուրս տա:
Ես միշտ այդպես եմ անում. ինձ համար որքան կծու, այնքան լավ☺️
Եռալուց հետո եփու ենք 30 րոպե, վերջում ավելացնու ենք աղը:
Մինչ ոսկորները կեփվեն, պատրաստենք ֆարշը:
Միսը երկու անգամ աղում ենք մսաղացով. զանգվածը պետք է շատ միատարր լինի:
Դրանից հետո ձեռքերով հունցում ենք միսը, ծեծում այն՝ ֆարշը ձեռքից թասի մեջ գցելով: Ծեծելու ընթացքում ֆարշին ավելացրեք 50 մլ ջուր:
Դուք հաստատ կտեսնեք տարբերությունը. ֆարշը կդառնա ավելի նուրբ և փքուն:
Լվանում ենք բլղուրը, ավելացնում ֆարշին, համեմում աղով և պղպեղով, լավ խառնում ենք և մի կողմի վրա դնում՝ հանգստանալու:
Անցնենք միջուկի պատրաստմանը:
Տապակի մեջ տաքացնում ենք բուսայուղն ու կարագը: Մանր կտրատում ենք սոխն ու տապակում՝ մինչև թեթև ոսկեգույն դառնալը:
Սոխին ավելացնում ենք նռան հատիկները: Եթե պատրաստում եք սալորաչրով, ապա այն սկզբից պետք է ջրի մեջ դնել 10 րոպեով, հետո չորացնել և նոր միայն ավելացնել սոխին:
Զանգվածին ավելացնում ենք փոշիացված չորացրած կանաչին և կարմիր պղպեղը:
Պատրաստում ենք կոլոլակները:
Դրա համար վերցնում ենք 2 ճ. գդ. ֆարշ, դնում ենք ափի մեջ, մի փոքր փոս անում և այնտեղ լցնում 2 թ. գդ. միջուկից: Կոլոլակներից յուրաքանչյուրում պետք է լինի մեկական սալորաչիր:
Այ այսպես
Մսին գնդի տեսք ենք տալիս: Գնդերը պետք է մի փոքր ավելի խոշոր ստացվեն, քան սովորական կոլոլակների դեպքում է:
Քամիչով արգանակը քամում ենք, և նորից դնում կրակին, ավելացնում 1 ճ. գդ տոմատի մածուկ և խառնում: Երբ այն կսկսի եռալ, դրա մեջ հերթով ավելացնում ենք կոլոլակները. պետք չէ բոլորը միասին գցել:
Եթե ձեզ մոտ միջուկից ավելացել է, ապա այն նույնպես լցրեք ապուրի մեջ: Կոլոլակները եփվում են մոտ 25-30 րոպե:
Վերջում ավելացնում ենք կիտրոնի հյութը և, անհրաժեշտության դեպքում, մի փոքր աղ:
Մատուցելիս ապուրի վրա լցնում ենք մանր կտրատված համեմ, կարող եք զարդարել նաև կիտրոնի կտորով:
Ահա և վերջ
Այնպայման պատրաստեք և վայելեք այս ապուրի անզուգական համը:
Բարի ախորժակԲաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected