Անուշաբույր նախուտեստներ մսի համար
Անուշաբույր նախուտեստներ մսի համար
Ողջույն ընկերներ
Այսօր ձեզ հետ կկսիվեմ հրաշալի, անուշաբույր ու շատ պիկանտ երկու նախուտեստի բաղադրատոմսով, որոնք պարզապես կատարյալ հավելում են ցանկացած մսի՝ հատկապես խորովածի համար:
Բացադրիչների քանակը հաշվարկված է 1 լիտր բանկայի համար:
Պարզ, հեշտ և աներևակայելի համեղ:
Լոլիկով և սոխով նախուտեստ
Բաղադրիչները
Լոլիկ – 3 հատ
Սոխ – 2 գլուխ
Սխտոր – 4 պճեղ
Բուսայուղ ցանկացած (ինձ մոտ եգիպտացորենի է) – 6 ճ. գդ.
Մեղր – 2 ճ. գդ.
Կիտրոնի հյութ – 5 ճ. գդ.
Աղ – 1 թ. գդ.
Աղացած սև պղպեղ – 0,5 թ. գդ.
Կարմիր աղացած պղպեղ (չիլի) – ¼ թ. գդ.
Պապրիկա (աղացած կարմիր քաղցր պղպեղ) – ½ թ. գդ.
Չորացրած ռեհան – 1 թ. գդ.
Անուշաբույր նախուտեստներ մսի համար
Պատրաստման եղանակը
Շրջանաձև կտրատում ենք լոլիկն ու սոխը: Մանրացնում ենք սխտորը:
Բանկայի մեջ դրանք տեղավորում ենք շերտերով. լոլիկ, սոխ, սխտոր:
Անցնենք մարինադին:
Վերցնում ենք 2 ճ. գդ. մեղրը, եթե այն թանձր է, ապա սկզբում պարզապես հալեցնում ենք, ավելացնում ենք կիտրոնի հյութը, աղը, կծու կարմիր պղպեղը, պապրիկան, սև պղպեղը և չորացրած ռեհանը:
Ամենը լավ խառնում ենք և լցնում լոլիկների վրա:
Փակում ենք կափարիչով: Կարող ենք նաև բանկան վերև-ներքև թափահարել, որպեսզի մարինադն ավելի լավ ներծծվի լոլիկների մեջ, և դնում ենք ամբողջ գիշեր սառնարանում:
Վերջ, գերազանց նախուտեստը պատրաստ է:
Անուշաբույր նախուտեստներ մսի համար
Կիտրոնով և սոխով նախուտեստ
Բաղադրիչները
Կիտրոն - 3-4 հատ
Սոխ – 1 գլուխ
Սխտոր - 3 պճեղ
Մաղադանոս – 50 գր.
Թարմ չիլի պղպեղ – 1հատ
Աղ – 3 թ. գդ.
Սև աղացած պղպեղ – 0.5 թ. գդ.
Համեմի աղացած սերմ – 0.5
Բուսայուղ – որքան կգնա
Անուշաբույր նախուտեստներ մսի համար
Պատրաստման եղանակը
Լիմոններն ու չիլի պղպեղը կտրատում ենք շրջանաձև, իսկ սոխը՝ կիսաշրջանաձև, մանրացնում ենք սխտորն ու մաղադանոսը:
Թասի մեջ խառնում ենք աղը, սև պղպեղն ու աղացած համեմը:
Բանկայի մեջ շերտերով շարում ենք լիմոնը, սոխը, չիլի պղպեղը, սխտորն ու մաղադանոսը՝ յուրաքանչյուր շարքի վրա ավելացնում ենք համեմունքները:
Բուսական յուղը լցնում ենք բանկայի գրեթե մինչև բերանով, ծածկում կափարիչով և մեկ օրով դնում սառնարանը: Իմիջայլոց այս բուսայուղը կարելի է դատարկել այլ տարայի մեջ և հետագայում օգտագործել ամառային աղցաններում. այն շատ համեղ և անուշաբույր է:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected