Տաք աղցան հավի թոքից և խաղողից. հիանալի համադրություն
Աղցան հավի թոքից և խաղողից
Հավի թոքի և խաղողի համադրությունն առաջին հայացքից կարող է տարօրինակ թվալ, բայց հավատացեք, որ այս երկու մթերքները պարզապես ստեղծված են միմյանց համար:
Աղցանը ստացվում է արտակարգ համեղ, օրիգինալ և օգտակար, քանի որ թոքը վիտամին A-ի, ցինկի և մագնեզիումի լավագույն աղբյուրներից մեկն է, իսկ խաղողը պարունակում է մարդու առողջության համար շատ կարևոր նյութեր՝ բջջանյութ, հանքանյութեր, վիտամիններ և նույնիսկ սպիտակուց:
Պատրաստման եղանակը
Առաջին հերթին մաքրում ենք հավի թոքը երակներից, լվանում, սառը կաթը լցնում ենք վրան և այդպես թողնում մի երկու ժամ: Այսպես թոքից դուրս է գալիս ավելորդ դառնությունն ու այն դառնում է շատ նուրբ: Սովորաբար կաթի մեջ թողնում են տավարի թոքը, բայց հավի դեպքում էլ այս քայլն ավելորդ չի լինի ☺️
Այնուհետև թոքը տապակում ենք 10-12 րոպե քիչ քանակությամբ ձիթայուղի մեջ: Կարևոր է՝ շատ չչորացնել այն: Վերջում համեմում ենք աղով ու պղպեղով և տապակից դատարկում ենք:
Խաղողը պետք է բաժանել երկու մասի և հեռացնել կորիզները: Ինչից հետո հենց նույն ձիթայուղի մեջ տապակում ենք 3-4 րոպե:
Իսկ հիմա պատրաստման իմ ամենասիրելի պահը՝ սպիրտով այրում. ռուսերենում այս պրոցեսը կոչվում է фламбирование.
Նրանք, ովքեր մեկ անգամ փորձել են ֆլամբե ուտեստ, գիտեն, որ կախված նրանից՝ ինչ խմիչք են այրում՝ համը փոխվում է: Օրինակ՝ մսի և թռչնամսի համար օգտագործում են վիսկի, կալվադոս կամ կոնյակ, իսկ աղանդերների համար՝ լիկյոր կամ թուրմեր: Ալկոհոլային յուրաքանչյուր խմիչք այրվելու մի քանի վայրկյանների ընթացքում հասցնում է ուտեստին փոխանցել համերի և բույրերի շքեղ փունջ:
Ոնց որ թե շեղվում եմ☺️
Աղցան հավի թոքից և խաղողից
Այսպիսով, երբ խաղողը տապակվել է, վրան կոնյակ ենք լցնում և վառում: Բոց է դուրս գալու, մի վախեցեք :) Սպասում ենք մինչև սպիրտը լրիվ կայրվի:
Պոկում ենք ռուկոլան և մարոլի տերևները, լցնում դրանք մատուցման ափսեի մեջ, այնուհետև վրան ավելացնում թոքն ու խաղողը և համեմում սոուսով:
Սոուսի համար պետք է խառնել ձիթապտղի յուղը, քացախն ու մեղրը, ձեռքի հարիչով՝ վենչիկով լավ խառնել և ավելացնել աղն ու պղպեղը:
Ահա և վերջ
Բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected