Սթեյք Ռիբայ բանջարեղենով
Սթեյք Ռիբայ բանջարեղենով
Ողջույն ընկերներ
Իսկ դուք սիրու՞մ եք սթեյք այնպես, ինչպես ես եմ այն սիրում
Չնայած ի՞նչ հարց եմ տալիս 😊 Ո՞վ չի սիրում գրիլի վրա պատրաստված այդ ախորժելի մսի հսկա կտորները:
Համաշխարհային խոհանոցում կա սթեյքի կտրվածքի և պատրաստման ավելի քան 100 եղանակ, բայց այս ամբողջ բազմազանությունից իմ սիրելին, միանշանակ, սթեյք Ռիբայն է՝ տապակած մսի էտալոնը:
Այն առանձնանում է իր մարմարեության ամենաբարձր մակարդակով և հյութեղությամբ: Տապակելիս յուղը հալչում է և հյութով տոգորում միսը՝ այսպիսով փափկացնելով մսի մանրաթելերը:
Այս սթեյքի ևս մեկ գլխավոր առավելությունն այն է, որ այն պատրաստվում է շատ պարզ և արագ:
Եվ այսպես.
Բաղադրիչները՝ (մեկ բաժնի համար)
Սթեյք Ռիբայ – 1 կտոր
Սխտոր – կես պճեղ
Կարագ – 15 գր
Թարմ ռոզմարին – 1 ճյուղ
Աղ՝ ըստ ճաշակի
Թարմ աղացած սև պղպեղ՝ ըստ ճաշակի
Կարմիր աղացած պղպեղ՝ ըստ ճաշակի
Սթեյք Ռիբայ բանջարեղենով
Պատրաստման եղանակը
Լվանում ենք սթեյքն ու չորացնում թղթե սրբիչով:
Տապակելուց անմիջապես առաջ համեմում ենք աղով և սև ու կարմիր պղպեղներով:
Տաքացնում ենք գրիլ տապակը՝ առանց յուղ ավելացնելու:
Պետք չէ տխրել, եթե չունեք այդպիսի տապակ. կարող եք օգտագործել հաստ հատակով ցանկացածը:
Սթեյքը մի կողմից տապակում ենք ուղիղ 3 րոպե՝ միջին կրակին: Ապա այն շրջում ենք աքցանով կամ բահիկով, բայց ոչ մի դեպքում պատառաքաղով, որպեսզի սթեյքը չծակենք:
Սխտորի պճեղը բաժանում ենք երկու մասի և կտրած կողմոմ լավ քսում ենք մսի վրա, որպեսզի այն իր բույրը փոխանցի: Այնուհետև մսի վրա դնում մի կտոր կարագն ու ռոզմարինի ճյուղը և տապակում ենք ուղիղ 3 րոպե:
Միսը հանում ենք և դնում տաք ափսեի կամ փայտե տախտակի վրա, ծածկում ենք ֆոլգայով և թողնում ենք հանգստանա 3-4 րոպե:
Մատուծեք ցանկացած խավարտով: Ինձ մոտ տապակած բանջարեղեն է:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected