Պաստա` ծովախեցգետնով և մարինարա սոուսով
Մարինարա սոուս
Ողջույն ընկերներԱյսօր պատրաստելու ենք հայտնի իտալական մարինարա սոուսը և, քանի որ տանը կար սառեցված արքայական ծովախեցգետիններ, որոշեցի պատրաստել պաստա հենց դրանցով և այս հրաշալի սոուսով:
Այո, այսօր իսկապես արքայան ընթրիք է լինելու:
Իտալական խոհանոցը հնարավոր չէ պատկերացնել առանց մարինարա սոուսի:Այս պարզ բաղադրատոմսն արդեն մի քանի դար է՝ համարվում է բազային և իտալական խոհանոցի հիմնական սոուսներից մեկը: Այն հիանալի համադրվում է գրեթե ցանկաված ուտեստի հետ:
Մարինարան հաճախ օգտագործում են պիցցայի, պաստայի, խորովածի հետ:
Նման սոուսը պատրաստելն այնքան հեշտ է, որ նույնիսկ անփորձ տնային տնտեսուհին հեշտությամբ գլուխ կհանի:
Այսպես, առաջին քայլով պատրաստում ենք սոուսը:
ՀԻՇԵՔ Իտալիայում պաստայի պատրաստման հիմնական կանոնը. սոուսն է սպասում պաստային, այլ ոչ հակառակը:
Մարինարա սոուս
Պատրաստման եղանակը
Լոլիկները հանում ենք բանկայից և տեղափոխում բլենդերի մեջ: Բանկայի միջի հյութը մեզ նույնպես պետք է գալու:Լոլիկներին ավելացնում ենք տոմատի մածուկը, սխտորի պճեղները, կտրատված մաղադանոսը, չորացրած օրեգանոն, մի պտղունց աղ և սև աղացած պղպեղ:
Մեծ կաթսայի մեջ միջին կրակի վրա տաքացնում ենք ձիթայուղը: Ավելացնում ենք մանր կտրատված սոխն ու տապակում 5-6 րոպե՝ մինչև որ կփափկի: Տապակել սոխը որպեսզի այն կարմրի՝ ՊԵՏՔ ՉԷ:
Կաթսայի մեջ ավելացնում ենք մեր պոմիդորային զանգվածը, այնուհետև՝ բանկայի լոլիկի հյութի ՄԻ ՄԱՍԸ և սպիտակ գինին:
Միջին կրակի վրա եփում ենք սոուսը 10-15 րոպե, եթե այն շատ թանձրանա, լոլիկի հյութից մի փոքր էլ ավելացրեք:
ԿԱՐԵՎՈՐ ՊԱՀ. եթե սոուսը շատ է ստացվել, ապա կարելի է մի մասը պահել սառնարանում: Այն հետո կարող եք օգտագործել այլ ուտեստների մեջ: Ասեմ ավելին՝ ես այն ավելացնում են նույնիսկ ապուրներին:Արդեն տաքացրած ձիթայուղով տապակի մեջ դնում ենք 2 պճեղ սխտոր և մի ճյուղ ուրց, որպեսզի նրանք իրենց բույրը փոխանցեն և նոր միայն տապակում ենք ծովախեցգետինները՝ 1-ական րոպե յուրաքանչյուր կողմից: Պատրաստի ծովախեցգետիններն ավելացնում ենք սոուսի մեջ:
Իսկ հիմա եփում ենք պաստան al dente՝ մոտ 7-10 րոպե՝ կախված պաստայի տեսակից: Կոնկրետ սպագետին եփվում է եռալուց հետո 6-8 րոպե: Սա մակարոնների եփման այն աստիճանն է, երբ դրանք համարյա պատրաստ են, բայց դեռ չեն հասցրել լրիվ եփվել:
Մեր պաստան դեռ “կհասնի” սոուսի մեջ:
Ճիշտ պատրաստված al dente պաստան պահպանում է իր ձգությունը:
Քամում ենք ջուրը և պաստան ավելացնում ծովախեցգետիններով սոուսին:
Ահա և վերջ: Մարինարա սպագետին պատրաստ է:
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected