Կոլոլակ քյուֆթայի մսով
Կոլոլակ քյուֆթայի մսով
Բարի երեկո, սիրելի ընկերներ
Այսօր առաջարկում եմ պատրաստել հայկական կոլոլակով ապուր, բայց իմ ինտերպրիտացիայով:
Այն առաջացավ սպոնտան, այն բանից հետո, երբ իմ սառնարանում մի քիչ քյուֆթա գտա: Իմիջիայլոց, այդ քյուֆթան մնացել է մի շատ հետաքրքիր ուտեստից հետո, որի բաղադրատոմսով ես արդեն կիսվել եմ ձեզ հետ:
Այսպիսով, մեզ անհրաժեշտ է.
Բաղադրությունը՝
Քյուֆթա
Պաստա Tagliatelle կամ այն, ինչ կա ձեռքի տակ
Ձու - 2 հատ
Քացախ - 2 ճ. գդ.
Համեմ - կես կապ
Աղ, սև պղպեղ՝ ըստ ճաշակի
Կոլոլակ քյուֆթայի մսով
Պատրաստման եղանակը
Կաթսայի մեջ լցնում ենք ջուրն ու դնում կրակին:
Ձեռքերը թրջում ենք, քյուֆփայից փոքր գնդիկներ ստանում ու դրանք լցնում եռացող ջրի մեջ:
Երբ քյուֆթան մի փոքր կեփվի (մոտավոր 15 րոպե), ավելացնում ենք պաստան:
Ի դեպ, կարող եք դրա փոխարեն բրինձ ավելացնել՝ կախված նրանից, թե որն եք ավելի նախընտրում:
Առանձին ափսեի մեջ հարում ենք ձուն ու քացախը:
Մեր ապուրից մի փոքր արգանակ ենք վերցնում՝ մոտ 2/3 բաժակ և մեկական ճաշի գդալով ավելացնում հարած ձվին:
Ամբողջը արգանակը չլցնեք միանգամից, թե չէ զանգվածը կկտրվի:
Պաստայի եփելուց հետո ապուրին ավելացնում ենք ձվի զանգվածը:
Համեմում ենք աղով, պղպեղով, ավելացնում մանր կտրատված կանաչին և կրակն անջատում:
Վերջ, մեր ապուրը պատրաստ է:
Բարի ախորժակԲաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected