Ի՞նչ հագնել Ամանորի գիշերը. ֆոտո օրինակներ 

Ի՞նչ հագնել Ամանորի գիշերը

Տոներն են մոտենում… տոներն են մոտենում…

Ուռաաաա,՜ շուտով Ամանոր է: Փայլեր, լույսեր… թնդյուններ… գույների իսկական հրավառություն…

Եվ իհարկե ամենակարևոր փայլն այս տոնին պետք է հաղորդես դու՝ քո շլացուցիչ տեսքով։

Ի՞նչ հագնել Ամանորի գիշերը

Ձեզնից շատերը, երևի, հիմա մտածեցին.

«Օ՜յ, իսկ ես չունեմ համապատասխան զգեստ» կամ «Ես դեռ չգիտեմ՝ ինչ հագնել»։

Դե ինչ, ես՝ քո անփոխարինելի գիդը, այստեղ եմ, որպեսզի քեզ օգնեմ այս բոլոր հարցերում։

Հիմա միասին կփորձենք ուսումնասիրել Ամանորյա լուքի գաղտնիքները, կբացահայտենք ակտուալ մոդելները և գույները… եթե պատրաստ ես, ուրեմն let’s go.

Ինչպես գիտես գալիք տարվա տերն ու տիրականը ջրային վագրն է լինելու։

Եվ դրանով արդեն հեշտանում է գույնի ընտրությունը` երկնագույնի և կապույտի ամբողջ պալիտրան:

Տեղին կլինի նաև «վագրային» գույնը` դեղին, գազարագույն, շագանակագույն և սև։

Իսկ օրինակ նեոնային և կենդանական մյուս նախշերից ցանկալի է զերծ մնալ։

Եվրոպական գույների ինստիտուտը՝ Pantone-ը, ևս հաշվի է առել այն փաստը, որ գալիք տարի ջրային վագրի տարի է և շեշտը դրել է սևի ու ոսկեգույնի վրա, բացի այդ նա իր հերթին առանձնացրել է կապույտը, անանուխի գույնը (мятный), վարդագույնը և երկնագույնը։

Զգեստը ընտրելիս, ամենակարևորը, պետք է ուշադրություն դարձնել գործվածքին։ Կտորը պետք է լինի բնական` մետաքս, թավիշ, կաշի, բամբակ և այլն։

Ինչ վերաբերում է ձևվածքին, ապա միանգամայն տեղին են ասիմետրիկ, բաց ուսերով, ճեղքվածքներով զգեստները։

Նաև չմոռանանք նոր սեզոնի թրենդների մասին` բախրամա, դիսկեր (пайетки) և երկար թևքեր։

Փայլելու համար ընտրիր սև կամ արծաթագույն դիսկերով զգեստներ. դրանց չափը էական չէ։

Կարող ես շատ գեղեցիկ և ակտուալ մոդելների զգեստներ գտնել ու դրանք որպես ոգեշնչման աղբյուր վերցնել ուսումնասիրելով Zuhair Murad, Alice+Olivia, Alberta Feffetti, Versace, Christian Dior Elie Saab, Pronovias տների հավաքածուներն ։

Սակայն, եթե սյս տարի որոշել ես ընտրությունդ չկանգնացնել զգեստի վրա, ապա դրա լուծումը ևս կա. լիովին արժանի այլընտրանք են երեկոյան կոմբինեզոնները և տաբատով կոստյումները:

Իսկ վերջում որպես կերպարի լրացում ընտրիր աքսեսուարներ՝ արծաթագույնի և ոսկեգույնի երանգներով։

Նորաձևությանն առնչվող այլ նյութերի համար անցիր հղումով :

Նկարներում պատկերված իրերը կարող եք գտնել Ferfetch, կայքում;