Ի՞նչ հագնել կորպորատիվին.ցանկացած իրավիճակում 

Էլ ինչ Նոր տարի առանց կորպորատիվ երեկույթի հին տարում:

Հա ինչ խոսք սա ևս մեկ հարմար առիթ է հավաքվել կոլեգաներով և մի լավ լիցքաթափվել։

Ու քանի որ մենք՝ աղջիկներս, անգամ սովորական օրերին չգիտենք՝ ինչ հագնել, այսպիսի պարտավորեցնող օրն ամբողջովին խառնվում ենք։

Այս անգամ լուքը կազմելիս առաջնորդվել եմ ավելի շատ այն հանգամանքով, որ հնարավոր է մեծ մասիս զգեստապահարանում կան այդ իրերը, պարզապես դրանց մասին մոռացել ենք։

Կամ կրել ենք մեկ անգամ, և շատ երեկոյան լինելու պատճառով հեռացրել տեսադաշտից։

Ի՞նչ հագնել կորպորատիվին

Նախ արի քննարկենք մի քանի պարզ կանոն կորպորատիվ երեկույթին ներկայանալիս.

• Այստեղ կարևոր է չափը չանցնել, ցնկանալով երևալ օրիգինալ: Իհարկե տեղին է ընդգծել կերպարն առանձին դետալներով, սակայն, օրինակ, չափից դուրս բաց հագուստը, գայթակղիչ ճեղքվածքներով կամ շատ լայն բացվածքով հագուստն այդքան էլ տեղին չէ կոլեգաների հետ երեկույթի համար։
• Ընտրիր մաքսիմալ հարմարավետ հագուստ։ Քանի որ այստեղ հնարավոր է լինեն ոչ միայն հետաքրքիր զրույցներ սեղանի շուրջ, այլ նաև խաղեր, ակտիվ հանգիստ` օրինակ, եթե կորպորատիվը քաղաքից դուրս է։

Նաև կան մի քանի գործոններ, որ պետք է հաշվի առնել.

Լինում են դեպքեր, երբ երեկույթը հատուկ թեմատիկայով է, և այս դեպքում դու պարզապես չես կարող հաշվի չառնել այդ փաստը: ։

Կամ, օրինակ, երեկույթը շատ հայտնի և թանկարժեք տեղում է, ապա քո լուքն էլ մաքսիմալ էլեգանտ և գրագետ պետք է լինի։

Խոսքը չի գնում թանկարժեք իրեր կրելու մասին, եթե դրա հնարավորությունը չկա. հավատացեք՝ գրագետ կազմված կերպարը լիովին բավական է։

Ի՞նչ հագնել կորպորատիվին

Դե ինչ, անցնենք հագուստներին.

Այսպիսով, եթե կորպորատիվ երեկույթը ռեստորանում է, ապա.

• Սև կարճ զգեստ: Ամենակարևորը՝ հիշիր չափի մասին։ Եվ եթե զգեստը կարճ է, այսինքն ոտքերը բաց են, ապա ցանկալի է, որ վերևի հատվածը և թևերը փակ լինեն։
• Տաբատով երեկոյան կոստյում։ Ավելի համապատասխան է այն դեպքում, երբ երեկույթին ներկա են լինելու ընկերության հիմնադիրները և նրանց գործընկերները։

Սակայն որպեսզի խիստ գործնական կերպար չստացվի ընտրիր վառ գույներ` կարմիր, զմրուխտագույն, գինեգույն (մարսալա, բորդո):

Որպես ակցենտ կարող ես վզիդ կապել մեծ, խոշոր ծաղիկով չոկեր` ինչպես Yves Saint Laurent-ի հավաքածուի ցուցադրության ժամանակ է արվել։

• Դիսկերով զգեստ (пайетка)` ոսկեգույն, արծաթագույն, սև, զմրուխտագույն (изумрудный).
• Կարող ես ընտրել երեկոյան կոմբինեզոն այդ նույն դիսկերով կամ ավելի կլասիկ, սև գույնի և համադրել այն վառ ժակետով:
• Շիֆոնից զգեստը շատ եթերային տեսք կապահովի։
• Բարձր գոտկատեղով պալացո տաբատ՝ տոպով կամ լայն, ուռուցիկ թևքերով շապիկով՝ վրայից երեկոյան ժիլետ։

Ի՞նչ հագնել կորպորատիվին

Եթե կորպորատիվը քաղաքից դուրս է լինելու, ապա այն պետք է լինի հարմարավետ, սակայն չենք մոռանում, որ խոսքը, ամեն դեպքում, երեկույթի մասին է։

Ընտրիր այնպիսի զգեստներ, որոնք համադրելի են հաստ, անփայլ զուգագուլպաների հետ։ Օրինակ՝ գործված տրիկոտաժից զգեստ՝ գեղեցիկ գոտիով։

Եթե բացի քաղաքից դուրսը նաև ակտիվ հանգստի տարբերակ է ընտրված, ապա ընտրիր միանշանակ կլասիկ ոճի կոմբինեզոն, որպես լրացում վզիդ կարող ես կապել մետաքսյա շարֆ։

Իսկ նրանք, ում կորպորատիվն անցնելու է կվեստի տեսքով ապա, զգեստ-շապիկը քեզ օգնական, իսկ իդեալական տարբերակ կրիր կոպիտ բոտինկաներեվ։ Եվ’ հարմարավետ, և’ թրենդային։

Հետևիր ինձ նաև Instagram_ում, որ ոչինչ բաց չթողնես:

Նորաձևությանն առնչվող այլ նյութերի համար անցիր հղումով :

Նկարները վերցված են Pinterest կայքից: