Գերազանց խնամք պրոբլեմային մաշկի համար. Pyunkang Yul 

Գերազանց խնամք պրոբլեմային մաշկի համար. Pyunkang Yul

Աղջիկներ, այսօր կիսվելում եմ ձեզ հետ կորեկան Pyunkang Yul / Փյոնկան Յուլ (հուսով եմ՝ ճիշտ եմ արտասանում 😅)) ) բրենդի մասին իմ անկեղծ կարծիքով և իմ փորձով:

Բայց մի փոքր նախաբան)))

Pyunkang Yul –ի մասին լսեմ եմ իմ սիրելի բլոգերից: Այնուհետև ուսումնասիրեցի համացանցում ու պարզեցի, որ Pyunkang Yul բրենդը ստեղծվել է Oriental Medicine Pyunkang կլինիկայի կողմից: Այս կլինիկան մասնագիտացված է մաշկային հիվանդությունների բուժման վրա:

Այնպես որ այս բրենդը նախատեսված է զգայուն, պրոբլեմային կամ ակնեով մաշկի համար:

Միջոցները, որոնց մասին այսօր խոսելու եմ, փորձել եմ երկու շաբաթից մի փոքր ավել ու ունեմ հստակ ձևավորված կարծիք:

Եվ այսպես, սկսենք ըստ հերթականության.

Pyunkang Yul Low pH Pore Deep Cleansing Foam

Եթե ծանոթ եք իմ բլոգին, հաստատ արդեն գիտեք, թե ինչ առանցքային տեղ եմ տալիս մաշկը մաքրող միջոցներին:

Այս միջոցը մաքրում է մաշկն ինչպես ասում են до скрипа՝ միևնույն ժամանակ չձգելով, չչորացնելով մաշկը, քանի որ շնորհիվ ցածր pH-ի չի քայքայում մաշկի պաշտպանիչ բարիերը:

Եթե փորձեմ 2 բառով նկարագրել՝ փափուկ և արդյունավետ:

Փորձելու համար շար հանգիստ կարող եք վերցնել 40 մլ (ինչպես ես եմ արել): Հավատացեք՝ այն շատ երկար կօգտագործեք, քանի որ դեմքը լավ լվանալաու համար ոլոռի չափ գնդիկն էլ բավական է. փրփրացնում ենք ձեռքերի մեջ և փրփուրով լվացվում:

Pyunkang Yul Essence Toner

Այս բրենդի ամենապահանջված միջոցներից մեկն է:

Իդեալական խոնավացնում է մաշկը….եթե հանկարծ ինձ էլ չհավատք, կարող եք համացանցում կարդալ կարծիքները:

Նախ ծավալով ավելի մեծ է, քան սովորաբար լինում են տոնիկները:

Ունի մի փոքր թանձրություն, ինչի պատճառով էլ ես սիրում եմ այն դեմքիս քսել առանց բամբակի վրա լցնելու. մի փոքր լցնում եմ ափիս, շփում և այդպես քսում դմեքիս: Դուք կարող եք անել ավանդական միջոցով:

Ունի հակաօքսիդանտ և հակաբորբոքային ազդեցություն: Իմ փորձած տոնիկների առաջին եռյակում է, անպայման փորձեք:

Pyunkang Yul Moisture Serum

Բնականաբար չէի կարող չփորձել

Պաշտպանող, հանգստացնող և խոնավազնող

Նվազեցնում է կարմրությունը, միատոն է դարձնում մաշկը, օգնում է պայքարել բորբոքումների դեմ:

Հ.Գ. փորձել եմ travel տարբերակը ու անպայման ձեռք եմ բերելու ամբողջական ֆորմատը:

Գերազանց խնամք պրոբլեմային մաշկի համար. Pyunkang Yul

Pyunkang Yul Intensive Repair Cream

Յուղոտ մաշկ ունեցողներին պետք չէ վախենալ «սնուցող» բառից:

Բավականին ունիվերսալ միջոց է, լավ խոնավացնում ու հանգստացնում է մաշկը, ինչպես մնացած միջոցերը, սա նունպես օգնում է պայքարել բորբոքումների և չորության դեմ:

Չնայաց որ առաջին հայացքից բավականին յուղոտ կոնսիստենցիա ունի, շուտ ներծծվում է (15 րոպե) և մաշկին չի թողնում յուղոտ փայլ ու կպչուն շերտ:

Ես սիրում եմ օգտագործել երեկոյան խնամքում:

Pyunkang Yul ACNE Spot Patch

Ես նմանատիպ պատչերն օգտագործում եմ որպես յուրատեսակ «շտապ օգնություն»: Հիանալի կատարում է իր առջև դրված խնդիրը: Առավելություններից մեկն էլ այն է, որ այս պատչերը շատ բարակ են և շատ ամուր են կպչում մաշկին, այնպես որ գիշերվա ընթացքում դրանք հաստատ ոչ մի տեղ չեն անհետանա 😉

Հա, իմիջայլով ասեմ, որ այսպիսի պատչերը կարելի է օգտագործել նաև առավոտյան՝ մեյք ափի տակ:

Եվ այսպես, այս բրենդն իսկապես արժանի կորեական բրենդ է, որն արժե փորձել՝ հատկապես հիմնական խնամքը՝ լվացվելու փրփուրը, տոնիկն ու կրեմը:

Դե ինչ, այսօր այսքանը, չմոռանաս հետևել ինձ ինստագրամում 😉

Իսկ բլոգային այլ հոդվածներս կարող ես կարդալ այստեղ