Կարբոնային պիլինգ. Ի՞նչ սպասել 

Կարբոնային պիլինգ. Ի՞նչ սպասել

Վաղուց չէի խոսել beauty պրոցեդուրաններից: Հենց հիմա կլրացնեմ այդ բացը 😊

Այսօր կպատմեմ իմ սիերլի պրոցեդուրաներից մեկի՝ կարբոնային պիլինգի մասին:

Կարբոնային պիլինգը լազերի ազդեցությամբ դեմքի խորը մաքրումն է: Այն համարվում է նաև երիտասարդացնող պրոցեդուրա, քանի որ լազերը խթանում է էպիդերմիսում կոլագենի արտադրմանը, ինչի շնորհիվ էլ մաշկը ձգվում է:

Առհասարակ այս պրոցեդուրան ցուցված է մաշկի բոլոր տեսակներին: Սակայն այն ուղղակի հիանալի է յուղոտ և պրոբլեմային մաշկի համար:

 Սկսենք նրանից, որ այն հակացուցված չէ անել ակնեի դեպքում (չի կարելի միայն դրա ակտիվ շրջանում): Բացի այդ՝ կարբոնային պիլինգը մաքրում է ծակոտիները, նվազեցնում մաշկի յուղայնությունն ու օգնում ազատվել է պիգմենտացիայից:

Ե՞րբ է խորհուրդ տրվում դիմել կարբոնային պիլինգի

✔️ Պոստակնեի և պիգմենտացիայի դեպքում

✔️ Մաշկի գերյուղոտության դեպքում

✔️ Դեմքի խամրած գույնի դեպքում

✔️ Ծերացման առաջին նշանների դեպքում

Կարբոնային պիլինգ. Ի՞նչ սպասել

Ինչպես ցանկացած այլ պիլինգից հետո, այս  պրոցեդուրայից հետո նույնպես կարելի է նկատել թեթև կարմրություն, քոր և թեփոտվածություն: Կարբոնային պիլինգը չի մտնում ագրեսիվ պիլինգների ցանկում:

Սակայն այս պիլինգը ևս ունի իր հակացուցումները.

❕ Հղիություն և կրծքով կերակրում

❕ Շաքարային դիաբետ

❕ Օնկոլոգիական հիվանդություններ

❕ Քիմիաթերապիա և ճառագայթային թերապիա

❕ Հերպես

❕ Մաշկային հիվանդություններ

❕ Պրեցեդուրայի անցկացման վայրում բորբոքումներ

❕ Ալերգիա պրոցեդուրայի ընթացքում օգտագործվող գելից

❕ Կելիոիդ սպիներ առաջանալու հակում

ԱՆՊԱՅՄԱՆ պետք է խորհրդակցել մասնագետի հետ: Ավելորդ է նշել, որ պետք է անպայման գնալ միայն որակյալ կլինիկա կամ սերտիֆիկացված էսթետիկ բժշկությամբ զբաղվող հաստատություն՝ բժշկական կրթություն ունեցող որակյալ մասնագետի մոտ:

Առաջին այցի ընթացքում մասնագետը պետք է ստուգի, թե արդյոք ունեք ալերգիա պրոցեդուրայի ընթացքում օգտագործվող գելից, ինչպես նաև պետք է որոշի, թե քանի պրոցեդուրա է անհրաժեշտ կոնկետ Ձեզ՝ ցանկալի արդյունքին հասնելու համար:

Կարբոնային պիլինգ. Ի՞նչ սպասել

Քանի որ, ինչպես արդեն նշեցի, կարբոնային պիլինգը համարվում է ավելի թեթև պիլինգ, այն կարելի է անել կլոր տարի: ԲԱՅՑ չենք մոռանում արևապաշտպան միջոցների օգտագործման մասին:

Առհասարակ այս պրոցեդուրային հետո վերականգնողական փուլում դեմքի խնամքը բավականին հեշտ է.

✔️ Պետք է խուսափել արևի ուղիղ ճառագայթներից և օգտագործել արևապաշտպան միջոց

✔️ Հաջորդ օրը ցանկալի է չօգտագործել դեկորատիվ կոսմետիկա

✔️ Չգնալ լողավազան կամ սաունա

✔️ Որոշ ժամանակով մի կողմ դնել սպիրտ պարունակոց միջոցների օգտագործումը

✔️ Պիլինգի նախօրեին չի թույլատրվում անել սկրաբով կամ հղկող մասնիկներ ունեցող մեկ այլ միջոցով դեմքի մաքրում:

Այսպիսով՝ կարբոնային պիլինգից կարելի է սպասել.

📌  Պինգմետային բծերի և պոստակնե սպիտակեցում

📌  Դեմքի մաքրում

📌  Ծակոտիների նեղացում

📌  Յուղոտ փայլի նվազում

📌  Ոչ խորը կնճիռների հարթեցում:

Վերջում ավելացնեմ միայն, որ կարբոնային պիլինգ կարելի է անել ոչ միայն դեմքի, այլև մեջքի, պարանոցի և կրծքերի շրջանում:

Դե ինչ, այսքանը

Շնորհակալություն, գեղեցկուհի… Մինչ հանդիպում 😉

Չմոռանաս հետևել Kisvir.am -ի ինստագրամյան կամ ֆեյսբուքյան էջերին, որ ոչինչ բաց չթողնես։