Գարնան թրենդներ. Ի՞նչ, Ինչպե՞ս, Որտեղի՞ց 

Գարնան թրենդներ

Դռները բացե՛ք, գարուն է գալիս…

Չնայած, որ փետրվար ամիսն է, սակայն արդեն գարնան «հոտ» է գալիս… և օդում նորի, լավի, գեղեցիկի սպասում կա։

Դե ինչ մռայլ ու ցուրտ ձմռանը շատ քիչ է մնագել, այնպես որ ինձ հետ միասին հետևում ենք թրենդներին և տեղեկանում տիրող անցուդարձին։

Թրենդները բազմազան են և դրանցից շատերը դեռ ակտուալ էին անցած տարի։ Դրանցից շատերը նորաձև են եղել շաաաատ շուտ, սակայն ինչպես գիտենք նորաձևությունը պարբերական է։

Նախորդ հոդվածում արդեն խոսեցի գունային թրենդի՝ մանուշակագույնի մասին, որը ընտրել էր PANTONE-ը։ Մոնոխրոմ լուքերից մինչև համարձակ համադրություններ։

Սակայն սա թրենդային բումի միայն սկիզբն է։

Դեռ անցած սեզոնից ակտուալ են համարվում ցածր գոտկատեղով ջինսե տաբատները։

Դրանք 2000-ականների հիթն էին, և յուրաքանչյուր նորաձև աղջկա զգեստապահարանի անբաժանելի մասը:

Հիմա դրանք վերադարձել են և դեռ անցած տարվանից ամրապնդում են իրենց դիրքերը։ Իսկ թե որքանով են հարմարավետ՝ ընտրությունը քոնն է։

Գարնան թրենդներ

Կարծես այս տարի դիզայներները մի կողմ են դրել մինիմալիզմ հասկացությունը, քանի որ այս տարվա թրենդներից են դիսկերը (пайетки)։

Շտապիր քո wish list-ում ավելացնել դիսկերով ինչ-որ իր և փայլել առանց որեւէ առիթի։

Պետք չէ մոռանալ նաև պլատֆորմայի մասին։

Այո՛, դեռ անցած տարվա վերջ Versace-ն մեծ իրարանցում առաջացրեց իր կոշիկներով։ Եվ ինչ խոսք, դրանք հրաշալի էին։

Ահա ևս մեկ թրենդ նրանց համար, ովքեր հոգնել են օվերսայզից` հատկապես պիջակներից և ժակետներից։ Այս սեզոնի թրենդներից է կարճացված ժակետները։

Ծաղիկներ, ծաղիկներ, ծաղիկներ… այո՛, այո՛, նրանք դեռ թրենդային են։ Սակայն փոփոխության են ենթարկվել նրանց գունային գամման, ծաղիկների չափերը և առհասարակ մատուցման ձևը։

Գարնան թրենդներ

Եվ, իհարկե, հարկ է նշել ևս մեկ թրենդի մասին` կաշվե իրեր։ Խոսքը չի գնում կլասիկ ձեւի, հարթ ու փափուկ կաշվի մասին:

Այս տարի դիզայներներն էլ ավելի հետաքրքիր եղանակով են ներկայացրել այս մատերիալը` կոպիտ և մաշված (потёртая) տարբերակով։

Ահա գարնանային մի քանի թրենդ, որոնց մասին այսօր սիրով ԿԻՍՎԵՑԻ:

Նորաձևությանն առնչվող այլ նյութերի համար անցիր հղումով :

Նկարներում պատկերված իրերը կարող եք գտնել Ferfetch, կայքում;