Հիդրոֆիլային յուղը և յուղոտ, պրոբլոմային մաշկը 

Հիդրոֆիլային յուղը դեմքը մաքրելու իմ ամենասիրելի միջոցն է, և սա ունի մի քանի կարևոր պատճառ:

Ի՞նչ, ի՞նչպես և ի՞նչու

Սկսենք նրանից, որ հիդրոֆիլային յուղն ինքս ինձ համար բացահայտել եմ գրեթե մեկ տարի առաջ և դրանից հետո այն դարձավ երեկոյան մաշկիս խնամքի ամենակարևոր կետը:

Սկզբում ինձ, ինչպես կարծում եմ շատերին, մի փոքր վախեցնում էր «յուղ» բառը.

այդ ի՞նչպես յուղը կարող է մաքրել մաշկը, այն էլ այնքան իդեալական, որքան պատմում էին արտասահմանյան բյութի բլոգերները:

Բայց այստեղ նույնպես հետաքրքրությունս ինձ հաղթեց 😇

Ինչպես այս միջոցի անվանումն է սկզբում տարօրինակ թվում, այնպես էլ նրա օգտագործման եղանակն է.

• հիդրոֆիլային յուղից պետք է մի փոքր դատարկել մաքուր, բայց չոր ձեռքերի մեջ,
• մի քանի վայրկյան ձեռքերը շփել իրար, այնուհետև դրանք քսել չլվացած չոր դեմքին,
• շրջանաձև նուրբ շարժումներով 1-2 րոպե մերսել դեմքը
• ու հետևել, թե ինչպես է բառիս բուն իմաստով հալվում, անհետանում շպարը 😍

Հիդրոֆիլային յուղից հետո ԱՆՊԱՅՄԱՆ պետք է դեմքը լվանալ սիրելի գելով/փրփուրով և վերջ. դու ունես իդեալական մաքուր մաշկ և կարող ես անցնել խնամքի հետագա փուլերին:

Հիդրոֆիլային յուղը խորը մաքրում է ծակոտիները՝ առանց մաշկը չորացնելու: Դրա երկարատև օգտագործումից հետո կարող եք նկատել, որ պակասում, անհետանում են սև կետիկները. սա իսկապես անփոխարինելի միջոց է ծակոտիների պարբերաբար խցանվելու արդյունքում առաջացող փակ կամեդոնների դեպքում:

Կան հիդրոֆիլային յուղի տարբեր տեսակներ՝  նախատեսված մաշկի տարբեր տիպերի համար: Դրանք տարբերվում են ըստ բաղադրությունում առկա յուղի տեսակի:

ԿԱՐԵՎՈՐ Է ստուգել բաղադրությունը՝ բաղադրիչներից որևէ մեկի նկատմամբ ալերգիկ ռեակցիայից խուսափելու համար:

Ես, որպես կանոն, ուշադրություն չեմ դարձնում թե մաշկի որ տեսակի համար է նախատեսված այս միջոցը և կարող եմ օգտագործել ցանկացած հիդրոֆիլային յուղ: Վարվել ինձ պես, թե ընտրել միայն ձեր մաշկին համապատասխան միջոցը՝ որոշում ես դու))

Միայն, եթե ունես զգայուն մաշկ, նախապատվությունը տուր վարդի, երիցուկի, ժասմինի յուղերով տարբերակին:

Ինչպես արդեն նշեցի` ես հիդրոֆիլային յուղն օգտագործում եմ երեկոյան՝ անկախ նրանից այդ օրը կոսմետիկա օգտագործել եմ, թե ոչ: Այն միայն ՉԵՄ օգտագործում աչքերը մաքրելու համար:

Հիմա կիսվեմ իմ սիրելի տարբերակներով.

Հիդրոֆիլային յուղ Biore

Ծանոթությունս սկսվեց հենց իրենից: Այն համապատասպանում է կոմբինացված և յուղոտ մաշկի տեսակների համար: Իդեալական մաքրում է տոնային և BB քսուկները:

Հիդրոֆիլային յուղ MISSHA

Նուրբ և լիարժեք մաքրում է նույնիսկ ամենակայուն դիմահարդարումը)))

Հիդրոֆիլային յուղ Clinique

Գլխավոր առավելությունը՝ ընդհանրապես բույր չունի (չնայած հենց սա կարող է որոշ մարդկանց համար լուրջ բացթողում լինել 😉

Հիդրոֆիլային բալզամ ALL CLEAN BALM

Հիդրոֆիլային յուղը լինում է նաև պինդ տեսքով՝ հիդրոֆիլային բալզամ: Այս միջոցը կրկին արտակարգ մաքրում է մաշկը՝ հեռացնելով նույնիսկ ամենակայուն շպարը:

Երբեմն սիրում եմ օգտագործել այս տարբերակը: Կօգտագործեի այն ամեն օր… երևի թե ոչ:

Հիդրոֆիլային յուղ Masstige

Իմ բյուջետային բացահայտումը: Իդեալական կատարում է իր առջև դրված խնդիրը:

Ուշադրություն. այս միջոցներից յուրաքանչյուրը՝ կապված այս կամ այն բաղադրիչի, մաշկի տեսակի և այլ գործոնի հետ կարող է չհամապատասխանել ձեզ: Իմ մաշկը յուղոտ է, և սրանք իդելական են ինձ համար:

Եթե ինչ-ոչ ժամանակ միջոցներն օգտագործելիս ձեր մաշկի հետ կապված խնդիրներ առաջանան՝ կախված ինդիվիդուալ արերգիկ ռեակցիաներից, անմիջապես մի կողմ դրեք միոցը՝ համոզվելու համար այդ պրոբլեմը տվյալ միջոցի պատճառով է սկսվել, թե ոչ:

Հետևեք մեզ Facebook-ում և Instagram-ում

Բաժնի այլ հետաքիքիր հեդվածները կարդալու համար անցեք հետևյալ հղումով:

P.S. Որպեսզի պետքական տեղեկատվությունը միշտ աչքի առաջ լինի, կարող եք գրանցվել կայքում և Ձեր անձնական էջում պահպանել ցանկացած նյութ` սեղմելով վերնագրի ներքևում գտնվող SAVE կոճակը: