Ակտուալ գույներ 2021. Թրենդային գույներ. Նորաձև ֆոտո օրինակներ։ Հետևիր ինձ և տեղյակ կլինես շատ ու շատ ակտուալ թեմաներից։
Գարունը այնքա՛ն ծաղիկ է վառել,
Գարունը այնպե՛ս պայծառ է կրկին.
Գարուն է, ու կարծես գարնան գալուն հետ մեկտեղ կյանքն էլ է «արթնանում» խոր քնից։ Ուզում ես նոր գույներ, նոր հույզեր, նոր…նոր…նոր…
Դե եթե մի քիչ էլ թիթիզ ես, ուրեմն վեեեե~րջ… բարի գալուստ մեր շարքեր` գնում ենք շոփինգի։
Բայց մինչ այդ արի տեսնենք՝ հիմա որ գույներն են ակտուալ, թրենդի մեջ:
Ընդհանուր առմամբ նոր սեզոնը գունավոր է. ինչքան վառ, այնքան լավ:
Եթե ուշադիր ես, ապա նկատած կլինես, որ ամենաակտուալ գույներից է վարդագույնն իր բոլոր երանգներով` ամենաբացից մինչեւ ֆուկսիա։
Հատկապես ուշադրություն դարձրու այս գույնի մետաքսե մաքսի զգեստներին, տաբատով կոստյումներին (հա, ի դեպ, հատուկ քեզ համար իմ բաժնում արդեն կա 3 հոդված կոստյումների մասին անցիր հղումով կարդալու համար), արգանզայից ուռուցիկ կիսաշրջազգեստներին, տվիդից կարդիգաններին և ժակետներին։
Այս սեզոնի հիթն են լինելու բաց վարդագույնը` ինչպես Prada-ն է ներկայացրել իր ցուցադրության ժամանակ, baby pink երանգը` ինչպես Dolce & Gabbana-ն և, նույնիսկ, նեոնը` ինչպես Stella McCartney-ին և Balmain-ը։
Վարդագույնի 50 երանգները. ակտուալ գույներ 2021
Ակտուալ գույներ 2021
Վարդագույնի ավելի մեղմ երանգները կարող են դառնալ կերպարի միակ գույնը և համադրվել շագանակագույնի երանգների, մոխրագույնի կամ սպիտակի հետ։
Աչքին հաճելի կլինի բաց յասամանագույնի մոնոլուքը` ինչով էլ հենց ոգեշնչվել է կամ մեզ ոգեշնչում է Bottega Veneta-ն։
Դիզայներներից շատերը խորհուրդ են տալիս ընտրել հագուստի բոլոր էլեմենտները նույն գույնի մեջ` սկսած կոշիկներից՝ մինչև ակնոց:
Իսկ եթե դու էլ ինձ պես կարծում ես , որ դա շատ ռիսկային է, ապա կարող ես ոգեշնչվել Alexander McQueen-ի հավաքածուից` նուրբ կիսաթափանցիկ կորսետ՝ ուռուցիկ կիսաշրջազգեստով, որը կհամադրեք կոպիտ բատինկաների հետ (մի փոքր գրանժ. ևս մեկ թրենդ)։
Ավելի վառ հավաքածու են ներկայացրել Chanel-ը և Patou-ն։
Այս դեպքում ակցենտը դրված է կերպարի կոնտրաստային էլեմենտների վրա` ժանյակե զուգագուլպաներ և սև գույնի մազերի աքսեսուար, կամ մի քանի տակ մարգարտե թևնոցներ և գծավոր պրինտ։
Dolce & Gabbana-ն շեշտը դրել է baby pink երանգի վրա։
Լուքն ավելի հանգիստ և տեղին դարձնելու համար կօգնեն մի քանի նյուանսներ. Օրինակ՝ ոսկե օղեր և կարմիր գույնի կաշվից բոկոտիկներ ։
Եվ, իհարկե, նորաձևություն է վերադառնում ֆուկսիան (նեոնային վարդագույնը)` վառ, համարձակ, տարբերվող։ Այն կօգնի ընդգծել բնական գեղեցկությունն ու սեքսուալությունը և նաև կդառնա հիանալի տարբերակ ինչպես երեկոյան, այնպես էլ կամ լուքերի համար։
Ակտուալ գույներ 2021
Համարձակները կարող են համադրել այն կոնտրաստային գույների` մուգ կապույտի, վառ դեղինի, զմրուխտագույնի (изумрудный) և կարմիրի հետ:
P.S. Ընթերցիր, ԿԻՍՎԻՐ Քո կարծիքով, իսկ ես կկիսվեմ հետաքրքիր ու թարմ նյութերով։ Եվ չմոռանաս պահպանել հոդվածը սեղմելով վերնագրի ներքևում գտնվող կոճակը։
Նորաձևությանն առնչվող այլ նյութերի համար անցիր հղումով :
Նկարներում պատկերված իրերը կարող եք գտնել Ferfetch կայքում և Fashion Alphabet ինստագրամյան էջում:
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Հաճախ դիտված գրառումներ
[quads id=7]
Stay connected