Եփովի կրեմով տարտ. հեշտ, նրբաճաշակ ու շատ համեղ
Եփովի կրեմով և հատապտուղներով տարտ
Սիրելի ընկերներ, այսօր ես ուզում եմ ձեզ հետ կիսվել հիանալի տարտի բաղադրատոմսով, որը շատ հեշտ է պատրաստվում, բայց, միևնույն ժամանակ, շատ նրբաճաշակ ու համեղ է: Անպայման պատրաստեք այն տոնական սեղանի համար, և ձեր հյուրերի հիացմունքը չի ստիպի երկար սպասել:Դե ի՞նչ, գնացինք
Եվ այսպես, խմորի համար մեզ անհրաժեշտ է.
Սա փխրուն խմորի հեշտ տարբերակ է, որը կարելի է օգտագերծել ցանկացած պիրոգի դեպքում: Իմիջայլոց, հետո ես ձեզ հետ կկիսվեմ այս նույն խմորով պատրաստված ձկան պիրոգի բաղադրատոմսով:
Պատրաստում ենք խմորը.
Փափուկ սերուցքային կարագը շաքարի փոշու հետ ձեռքի հարիչով (վենչիկով) լավ հարեք:Ավելացրեք ձուն և մի գդալ սառը ջուր (եթե ձուն փոքր է, ավեալցրեք ևս մեկ գդալ ջուր):
Լավ խառնեք: Աստիճանաբար ավելացրեք ալյուրը՝ գդալով լավ խառնելով:
Պատրաստեք ֆորման: Ես օգտագործում են հատուկ տարտի համար նախատեսված ձևավոր կողքերով ֆորման:
Խմորը ձեռքերով լավ տարածեք ֆորմայի մեջ՝ չմոռանալով կողքերի մասին:
Տեղափոխեք սառնարան՝ ամենաքիչը 30-40 րոպեով:
Եփովի կրեմով և հատապտուղներով տարտ
Պատրաստում ենք կրեմը.
Դեղնուցը, շաքարավազը, վանիլինը, ալյուրը և կաթի մոտ մեկ երրորդը ձեռքի հարիչով լավ հարեք՝ մինչև կստանաք միատարր զանգված: Մնացած կաթը մի թեթև տաքացրեք կաթսայի մեջ և ավելացրեք զանգվածին՝ արագ խառնելով և կրկին դրեք ցածր կրակին:Կրեմը հանում ենք կրակի վրայից և թողնում մի փոքր սառչի (մոտ 6-7 րոպե): Այնուհետև ավելացնում ենք կտորներով կտրատված կարագը և վենչիկով լավ խառնում ենք, որպեսզի այն միախառնվի կրեմի հետ:
Պատրաստի տաք կրեմը պետք է ծածկել սննդային թաղանթով:
Այստեղ կա շատ կարևոր նրբություն. կրեմը ծածկեք սննդային թաղանթով այնպես, որ թաղանթը դիպչի կրեմի մակերեսին, որպեսզի սառչելիս վերևից կեղև չձևավորվի:
Ֆորմայով խմորը հանեք սառնարանից և պատառաքաղով ծակծկեք մի քանի տեղից:
Ծածկեք այն կալկայով (ես այն նախօրոք լավ ճմռում եմ, որ ավելի հարթ նստի): Վրան պետք է լավ ծանրություն լցնենք՝ չմոռանալով կողքերի մասին: Սովորաբար այս նպատակով ես օգտագործում եմ լոբի կամ սիսեռ: Սա անհրաժեշտ է, որպեսզի թխվելիս խմորը չուռչի:
Խմորը տեղափոխում ենք 180°C-ի տակ նախապես տաքացրած ջեռոցը 15-20 րոպեով, այնուհետև հանում ենք վրայի ծանրությունն ու թուղթը և շարունակում թխել ևս 5-7 րոպե՝ մինչև ձեր խմորը մի թեթև կկարմրի:
Կողմնորոշվեք ըստ ձեր ջեռոցի. թխվելու յուրաքանչյուր ժամանակը գրվում է մոտավոր:
Պատրաստի կորժն ամբողջությամբ սառեցրեք:
Եփովի կրեմով և հատապտուղներով տարտ
Շոկոլադն ու կաթը ջրային գոլորշիի վրա կամ միկրոալիքային վառարանում հալեցրեք: Վրձինի օգնությամբ կորժն ամբողջությամբ պատեք շոկոլադով և դրեք սառնարանում, որպեսզի շոկոլադը սառչի:
Այստեղ շոկոլադը ոչ միայն համի համար է, այլև պաշտպանից դեր է խաղում, այսինքն՝ թույլ չի որպեսզի կորժը կրեմից թրջվի և փափկի:
Կրեմը լցրեք կորժի վրա և հարթեցրեք: Վրան շարեք մոշի հատիկները:
Վուալյա! Տարտը պատրաստ է:
P.S. Չմոռանաք մեկնաբանություններում կիսվել՝ ինչպես ձեզ մոտ ստացվեց և պահպանել բաղադրատոմսը՝ սեղմելով վերնագրի ներքևի նշանը:
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
1 մեկնաբանություն
Comments are closed.
Կարող եք դիտել նաև
[quads id=7]
Պատրաստեցի, իրոք շատ համեղ ստացվեց։
Շնորհակալություն