Սաղմոնի թարթար ՝ կապարով և վուստերյան սոուսով
Սաղմոնի թարթար
Ողջույն ընկերներ
Պատրաստում ենք ֆրասիական խոհանոցի նրբաճաշակ ուտեստներից մեկը՝ սաղմոնի թարթար:
Պետք չէ վախենալ. որևէ բարդ բան չկա ☺️
Այսօր թարթարը բավականին տարածված և սովորական դարձած ուտեստ է, որը մատուցվում է ոչ միայն թանկ ռեստորաններում, այլև՝ սրճարաններում:
Իսկական թարթար կարելի է պատրաստել և տանը, ինչը մենք այսօր կանենք:
ԲԱՅՑ. լավ թարթար պատրաստելու հիմանական նախապայմանը որակյալ թարմ ձուկն է:
Բարեբախտաբար, թարմ սաղմոն այժմ կարելի է գնել սուպերմարկետներից և մասնագիտացված ձկան խանութներից:
Եվ այսպես, սկսենք
Բաղադրիչները՝
Սաղմոն – 300 գր.
Կարմիր սոխ – 1 փոքր գլուխ
Կապար (Каперсы) – 1 լիքը ճ. գդ.
Լայմի հյութ – 1 ճ. գդ.
Վուստերյան սոուս (պարտադիր չէ) – 1 թ. գդ.
Ձիթապտղի յուղ – 2 ճ. գդ.
Թարմ աղացած սև պղպեղ՝ ըստ ճաշակի
Աղ՝ ըստ ճաշակի
Սաղմոնի թարթար
Պատրաստման եղանակը
Թարմ ձուկը կտրատում ենք մոտավոր 5 մմ խորանարդների:
Շատ մանր կտրատում ենք սոխն ու կապարը և անձեռոցիկով հեռացնում կապարի ավելորդ հյութը և լցնում դրանք կտրատված ձկան վրա:
Ըստ ճաշակի համեմում աղով և պղպեղով, ավելացնում ենք վուստերյան սոուսը, լայմի հյութն ու ձիթապտղի յուղը:
Ցանկության դեպքում կարող եք ավելացնել նաև մի քանի կաթիլ Տոբասկո սոուս: Ինքս միշտ ավելացնում եմ. այն հաճելի կծվություն է տալիս:
Այս անգամ ես թարթարը մատուցեցի մանգոյի սալսայով:
Դրա համար մանր կտրատում ենք հասած հյութեղ մանգոն, ավելացնում 1 մանր կտրատված չիլի պղպեղ և մանր կտրատված անանուխի թարմ տերևներ:
Համեմում ենք աղով և ձիթապտղի յուղով:
Եթե մանգոն քացր չէ, կարող եք ավելացնել 1 թ. գդ. շաքարի փոշի:
Բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected