Պասային մարմարե կեքս ընկույզով և հատապտուղներով
Պասային մարմարե կեքս ընկույզով և հատապտուղներով
Ողջույն ընկերներ
Արդեն սկսվել է Մեծ Պահքը, և ես գիտեմ, որ շատերն են այն պահում:
Ճիշտ է՝ պահքի ժամանակ պետք է հրաժարվել մի շարք մթերքներից, բայց ո՞վ ասաց, որ պասային մենյուն պետք է լինի ձանձրալի և միատիպ:
Կան տարբեր ուտեստների և նույնիսկ թխվածքների շատ հետաքրքիր բաղադրատոմսեր: Դրանցից մեկով էլ կիսվելու եմ ձեզ հետ. այսօր թխելու ենք պասային կեքս:
Եվ այսպես, մեզ անհրաժեշտ է.
Բաղադրիչները՝
Գազավորված հանքային ջուր – 300 մլ
Բուսայուղ – 150 մլ
Շաքարավազ – 200 գր
Աղ – մի պտղունց
Փխրեցուցիչ – 1 թ. գդ.
Վանիլին – 1/3 թ. գդ. կամ վանիլային շաքար – 1 տուփ
Կակաո – 2 ճ. գդ.
Ընկուզեղեն (ցանկացած) – 100 գր
Հատապտուղներ (ըստ ցանկության) – 150 գր
Պասային մարմարե կեքս ընկույզով և հատապտուղներով
Պատրաստման եղանակը՝
Թասի մեջ լցնում ենք սենյակային ջերմաստիճանի հանքային ջուրն ու բուսայուղը:
Լցնում ենք շաքարավազն ու վենչիկով լավ հարում՝ մինչ այն ամբողջությամբ կլուծվի:
Ավելացնում են, ալյուրը, փխրեցուցիչը, վանիլինը, աղը և լավ խառնում ենք:
Այնուհետև լցնում ենք մանր կտրատված ընկուզեղենը, ինձ մոտ պոպոք է:
Թխելու ֆորմայի հատակը ծածկում ենք պերգամենտով, հատակին և կողքերին բուսայուղ քսում: Ֆորմայի մեջ լցնում ենք խմորի կեսը:
Մյուս կեսի մեջ ավելացնում ենք կակաոն, 1 ճ. գդ. հանքային ջուր, խառնում ենք և լցնում ֆորմայի մեջ՝ սպիտակ խմորի մասի վրա:
Փայտե երկար չոփով կամ պատառաքաղով զգուշորեն խառնում ենք 2 գույնի խմորներն այնպես, որ ստանանք մարմարե նախշ:
Վրան շաղ տվեք ձեր սիրելի հատապտուղը՝ կլինի այն թարմ, թե սառեցված: Ինձ մոտ սառեցված բալ և մոշ է: Ես դրանք նախապես հալեցրել եմ և մաղով քամել ավելորդ հեղուկը:
Թխում ենք կեքսը 180° ջերմատիճանում մոտ 40-45 րոպե:
Պատրաստ լինելը ստուգում ենք ատամի չոփիկով:
Թխված կեքսի վրա շաքարի փոշի ենք ցանում:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected