Մարինացված ծիծակ – հայկական ավանդական նախուտեստ
Մարինացված ծիծակ
Այսօր պատրաստում ենք հայկական ավանդական նախուտեստ՝ ծիծակ, բայց ոչ ավանդական եղանակով ☺️Սա ավելի շատ ծիծակից աղցան է, որը սառնարանում կարող եք համարյա մեկ ամիս պահել:
Բաղադրատոմսն ինձ փոխանցել է իմ լավ բարեկամը՝ շատ հմուտ տանտիրուհի:
Ստացվում է հիանալի նախուտեստ, որը շատ հեշտ է պատրաստվում և նույնքան էլ արագ անհետանում սեղանի վրայից՝ հիացնելով կծվի սիրահարներին:
Այսպես, մեզ անհրաժեշտ է.
Բաղադրատոմսը՝
Ծիծակ - 1 կգ
Սխտոր - 3 պճեղ
Սամիթ (սամիթին կարելի է նաև համեմ ավելացնել) - 1 կապ
Լիմոն - 1 հատ
Բուսայուղ - 5-6 ճ. գդ.
Քացախի - էսենցիա 1 ճ. գդ.
Աղ՝ ըստ ճաշակի
Կարող եք պարզապես screen անել նկարը ☺️Պատրաստման եղանակը.
Ծիծակը լվանում ենք, հեռացնում պոչերը և կտրատում շրջանակների, բայց ոչ բարակ: Իմիջայլոց, սերմերը պետք չէ հեռացնել:
Այնուհետև վրան լավ աղ ենք լցնում և ողջ գիշեր այսպես թողնում. պետք չէ դնել սառնարանում:
Առավոտյան հոսող ջրով լվանում ենք ծիծակը և լցնում քամիչի մեջ՝ ավելորդ ջուրը քամելու համար:
Ճզմում ենք սխտորն ու ավելացնում ծիծակին:
Այնուհետև վրան լցնում ենք մանր կտրատված կանաչին, բուսայուղը, քացախի էսենցիան, լիմոնի քամած հյութը:
Նախապես քերեք լիմոնի վրայից ցեդրան. այն մենք նույնպես ավելացնում ենք աղցանին: Ցեդրան հավելյալ հետաքրքիր արոմատ է տալիս:
Համտեսեք, անհրաժեշտության դեպքում մի փոքր աղ ավելացրեք:
Պատրաստի աղցանը լցրեք բանկաների մեջ և պահեք սառնարանում:
Այսքանը ☺️
Բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected