Մարինացված սալոր

Ողջույն, ընկերներ

Քանի դեռ սալորի սեզոն է, առաջարկում եմ պատրաստենք շատ պիկանտ նախուտեստ ձմռան համար՝ մարինացված սալոր:

1 կգ սալորից ստացվում է 2 հատ մեկ լիտրանոց բանկա, հնարավոր է նաև՝ 1 հատ կես լիտրանոց:

Կարևոր է օգտագործել միայն շատ ձիգ սալորները, ոչ փափուկները:

Երբ ես առանձնացնում էի սալորները, հավաքվեց գրեթե 1 կգ փափուկ սալոր: Դրանցից ես նոր սոուս «հորինեցի», որի բաղադրատոմսով կկիսվեմ մեկ ուրիշ անգամ ☺️

Իսկ այս նախուտեստի համար մեզ անհրաժեշտ է.

 

Բաղադրատոմսը՝

Սալոր - 1 կգ

Ջուր - 1.2 լ

Խոշոր աղ - 2 ճ. գդ.

Շաքարավազ - 1.5 ճ. գդ.

Քացախի էսենցիա - 2 թ. գդ.

Մեխակ - 8 հատ

Բահար (душистый перец) - 8 հատիկ

Սև պղպեղ - 8 հատիկ

Սխտոր - 5 խոշոր պճեղ

Սամիթ - մի քանի ճյուղ

 

Կարող եք նաև screen անել նկարը ☺️

մարինադ, մարինացված սալոր, մարինացված սալոր թթու, սալոր Մարինացված սալոր - բաղադրատոմսը

 

Պատրաստման եղանակը

Սխտորի յուրաքանչյուր պճեղ կտրում ենք շերտերի:

Սալորը կտրում ենք մի կողմից, հանում ենք կորիզները: Զգուշ եղեք, որպեսզի սալորը երկու մասի չբաժանեք:

Յուրաքանչյուր սալորի մեջ դնում ենք 1 շերտ սխտոր և սամիթ: Ոչ մի դեպքում սամիթը  չկտրեք, պարզապես ծալեք այն և դրեք:

Նայեք նկարին՝ ինչ տեսքով այն պետք է լինի:

 

սալոր, մարինադ, մարինացված սալոր

 

Մարինացված սալոր

Բանկաները նախօրոք ստերիլիզացնում ենք:

Ինչից հետո դրանց մեջ դասավորում ենք սալորը, վրան լցնում եռացող ջուրը, այդպես թողնում 5-6 րոպե և այդ ջուրը դատարկում կաթսայի մեջ, ջրին ավելացնում ենք աղն ու շաքարավազը և կրկին եռացնում:

Յուրաքանչյուր բանկայի մեջ լցնում ենք 4-ական մեխակ, բահար և սև պղպեղ:

Լցնում ենք մարինադը և յուրաքանչյուր բանկայի մեջ ավելացնում 1-ական թ. գդ. քացախի էսենցիա:

Փակում ենք բանկաները, շուռ ենք տալիս, փաթաթում, ծածկում դրանք և թողնում մինչ սառչելը:

Ահա և վերջ:

Ձմռանն արդեն ձեր ընտանիքի անդամներին և հյուրերին կզարմացնեք այս նրբաճաշակ նախուտեստով: Բացի այդ՝ այն շատ գեղեցիկ է նայվում սեղանին:

Բարի ախորժակ

 
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:

Այլ բաղադրատոմսերի համար անցեք հղումով:

Ինչպես նաև հետևեք մեզ Facebook-ում և Instagram-ում