Կոզինախ

Ողջույն ընկերներ

Շարունակում ենք պասային բաղադրատոմսերի շարքը:

Ասեմ՝ պասը պասով,սակայն երբեմն ահավոր քաղցրի պահանջ ես զգում,իսկ շատ բան չի  կարելի. Օրինակ՝ բացառված է գրեթե ամբողջ թխվածքեղենը՝ կաթի,կարագի և հավկիթի պատճառով:

Նաև չի թույլատրվում ուտել ժելե, եթե  այն պատրաստված է ժելատինից, որովհետև ժելատինը կենդանական ծագում ունի:

Բայց, բարեբախտաբար, ժելատինը կարելի է փոխարինել  ագար-ագարով, ինչը  ստանում են ծովի մամուռից: Բացառվում են նաև տարբեր թխվածքաբլիթեր, զեֆիր,կոնֆետներ՝ բացի սև բնական շոկոլադից առանց հավելումների:

Բայց, չնայած այս ամենին, նաև պահքիի ժամանակ կարելի է վայելել տարբեր համեղություններ: Դրանցից մեկի բաղադրատոմսով էլ ես այսօր կկիսվեմ ձեզ հետ:

Կպատրաստենք կոզինախ: Դա պարզ,արագ և շաա՜տ համեղ է:

 

Բաղադրությունը՝

Ընկույզ - 130 գր.

Նուշ - 120 գր.

Պնդուկ - 100 գր.

Մեղր - 100 գր.

Շաքարավազ - 50 գր.

 

Պատրաստման եղանակը.

Ընկուզեղենը խոշոր կտրատում ենք՝ ինչպես ցույց է տրված նկարում:

կոզինախ, խոզինախ, козинаки, козинах, քաղրզվենիք պահքի համար, քաղցրավենիք պասի համար, անուշեղեն, քաղզր Կազինախ

Տաքացնում ենք թավան և թեթև տապակում ընկուզեղենը՝ անընդհատ խառնելով 5-6 րոպե:

Տեխափոխում ենք այլ ափսեի մեջ: Այդ նույն թավայի մեջ դնում ենք մեղրն ու շաքարավազը և խառնելով թաքացնում՝ մինչ շաքարավազի լուծվելը:

Ընկուզեղենը լցնում  ենք այս զանգվածի մեջ և խառնելով տապակում 2-3 րոպե:

Կոզինախ

Սեղանին դնում ենք պերգամենտի կտոր, քսում  ենք բարակ շերտով ձեթ և վրան լցնում ընկուզային զանգվածը: Այնուհետև՝ ձեռքերը թրջում ենք սառը ջրի տակ և ձևավորում ենք ուղղանկյուն՝ 6-7 մմ հաստությամբ:

Թողնում ենք սառչի սենյակային ջերմաստիճանում մի քանի ժամ, կամ տեղափոխում ենք սառնարան՝ այդպես արագ կլինի:

Ահա և վերջ. կտրատում ենք կոզինախը և մատուցում:

Ամենայն բարիք և  բարի ախորժակ

Հ.Գ.  Պահեք կոզինախը պերգամենտով փաթաթված


Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:  

Այլ բաղադրատոմսերի համար անցեք հղումով:

Ինչպես նաև հետևեք մեզ Facebook-ում և Instagram-ում