«Կոստանյոլե». իտալական փքաբլիթներ (պոնչիկներ)՝ ռիկոտայով և նարնջով

«Կոստանյոլե». իտալական փքաբլիթներ (պոնչիկներ)՝ ռիկոտայով և նարնջով

Ողջույն ընկերներ

Այսօր պատրաստում ենք իտալական հայտնի փքաբլիթներ՝ կաստանյոլե: Սա ավանդական քաղցրավենիք է, որը սովորաբար պատրաստում են Կառնավալի օրերին՝ Մեծ Պահքից առաջ:

Այս բաղադրատոմսը հանգստայն օրերի նախաճաշի հիանալի տարբերակ է: Ընդամենը 15 րոպե, և համեղ բույրի վրա ամբողջ ընտանիքը կհավաքվի խոհանոցում:

Ի դեպ, ես խորհուրդ չեմ տա ռիկոտան փոխարինել կաթնաշոռով, քանի որ ինքն իրենով ռիկոտան շատ յուրահատուկ պրոդուկտ է. նուրբ, կրեմային, բացարձակապես ոչ թթվաշ և հիանալի է ինչպես տարբեր աղանդերներ պատրաստելու, այնպես էլ խմորի մեջ օգտագործելու համար:

Եվ այսպես, մեզ հարկավոր է.

Բաղադրիչները՝

Ալյուր – 350 գր

Ռիկոտա  -250 գր

Շաքարավազ – 100 գր

Ձու – 1 հատ

Փխրեցուցիչ – 1 թ. գդ.

Աղ  - մեկ պտղունց

Մեկ նարնջի ցեդրա

Թարմ քամած նարնջի հյութ – 80 մլ

Բուսայուղ ՝ տապակելու համար

«Կոստանյոլե». իտալական փքաբլիթներ (պոնչիկներ)՝ ռիկոտայով և նարնջով

Պատրաստման եղանակը

Առաջին հերթին մանր քերիչով անցկացնում ենք նարնջի ցեդրան, ապա քամում հյութը:

Թասի մեջ մաղում ենք ալյուրը, ավելացնում ենք ռիկոտան, ձուն, շաքարավազը, աղը, փխրեցուցիչը, ցեդրան և նարնջի հյութը:

Խառնում ենք փայտե գդալով, այնուհետև ձեռքերով խմորը հունցում ենք ալյուր շաղ տված աշխատանքային սեղանի վրա:

Կաթսայի կամ թավայի մեջ մեծ քանակությամբ բուսայուղ ենք լցնում (մոտ կես լիտր) և դնում միջին կրակին:

Մինչ ձեթը կտաքանա, խմորից կլորակներ ենք ձևավորում:

Դրանք տապակում ենք մինչ ոսկեգույն դառնալը:

Պատրաստի փխաբլիթները դնում ենք թղթե սրբիչի վրա՝ ավելորդ յուղից ազատվելու համար:

Դրանք, ցանկության դեպքում, կարող ենք շաքարավազի մեջ թավալել կամ պարզապես վրաները շաքարի փոշի շաղ տալ:

Ամենայն բարիք և բարի ախորժակ

Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:  

Այլ բաղադրատոմսերի համար անցեք հղումով:

Ինչպես նաև հետևեք մեզ Facebook-ում և Instagram-ում