Գառնի Յարախ գառան մսով
Գառնի Յարախ գառան մսով
Ողջույն սիրելի ընկերներ
Ինչպես արդեն ասել եմ, սմբուկն իմ ամենասիրելի բանջարեղենն է, և սեզոնին ես փորձում եմ այն առավելագույնս օգտագործել ու դրանից զանազան ուտեստներ պատրաստել:
Այսօր պատրաստելու ենք յուրաքանչյուր տանտիրուհուն հայտնի ուտեստներից մեկը՝ գառնի յարախ:
Վստահ եմ, որ յուրաքանչյուր տանտիկին ունի այս ուտեստը պատրաստելու իր գաղտնիքներն ու նյուանսները, բայց ես ուրախ կլինեմ ձեզ հետ կիսվել իմ բաղադրատոմսով:
Այն տարբերվում է դասականից, քանի որ ես օգտագործում եմ միայն գառան միս և որոշակի համեմունքներ 😉
Եվ այսպես, մեզ պետք է.
Բաղադրիչները՝
Աղացած գառան միս – 1 կգ
Սմբուկ – 8 հատ
Սոխ – 2 գլուխ
Լոլիկ – 4 հատ
Համեմ – 1 կապ
Աղ՝ ըստ ճաշակի
Աղացած սև պղպեղ – ½ թ. գդ.
Աղացած կարմիր պղպեղ – ½ թ. գդ.
Սումախ – ½ թ. գդ.
Բահար – ½ թ. գդ.
Տոմատի մածուկ – 1 ճ. գդ.
Կարագ – 30 գր.
Բուսայուղ՝ տապակելու համար
Գառնի Յարախ գառան մսով
Պատրաստման եղանակը.
Ուտեստի համար պետք է ընտրել առանց վնասվածքների, երկարավուն և թմբլիկ սմբուկներ:
Լվանում ենք դրանք, կտրում պոչերը և մասնակիորեն մաքրում կեղևը, ինչից հետո ամբողջ երկարությամբ կտրվածք ենք անում ոչ մինչև վերջ՝ յուրաքանչյուր եզրից թողնելով 1.5 սմ:
Սմբուկները բոլոր կողմերից տապակում ենք ձիթայուղի մեջ: Եղեք զգուշ, որ շատ չտապակեք. դրանք չպետք է լխկեն:
Թողնում ենք սմբուկները մի փոքր սառչեն, ապա մեջտեղի հատվածը բացում ենք՝ տալով սմբուկին նավակի տեսք ու ներսից մի փոքր աղ անում:
Կարագի և 2 գդալ ձիթայուղի խառնուրդի մեջ տապակում ենք սոխը մինչ կարմրելը: Ավելացնում ենք ֆարշը, մի փոքր ջուր լցնում, լավ խառնում՝ գնդիկներից խուսափելու համար, ծածկում ենք կափարիչն ու շոգեխաշում՝ պարբերաբար խառնելով:
Խորանարդաձև կտրատում ենք 3 լոլիկը՝ նախապես դրանց կեղևը հանելով:
Լոլիկները խառնում ենք ֆարշին և շարունակում տապակել՝ արդեն առանց կափարիչի մինչ ամբողջ հեղուկը կգոլորշիանա:
Վերջում ավելացնում ենք համեմունքներն ու մանր կտրատված համեմը:
Ստացված ֆարշով լցոնում ենք մեր սմբուկները:
Տոմատի մածուկը բացում ենք կես բաժակ ջրի հետ, մի քիչ աղ անում, լցնում ջեռոցի տապակի վրա և այնտեղ դասավորում սմբուկները:
Յուրաքանչյուր սմբուկի վրա դնում ենք լոլիկի մի կտոր և տապակում 200° տաքացրած ջեռոցում՝ 15-20 րոպե:
Վերջ, համեղ Գառնի յարախը պատրաստ է
Ամենայն բարիք և բարի ախորժակ ☺️
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected