Էսկիմո. հիանալի համեղ տորթ
Տորթ էսկիմո
Ողջույն ընկերներ
Այսօր ձեզ հետ կիսվելու եմ զարմանալի համեղ տորթի՝ Էսկիմոյի բաղադրատոմսով:
Առաջին հայացքից այն կարող է բարդ թվալ, քանի որ նկարագրությունը երկար է, բայց հավատացեք՝ դա ամենևին էլ այդպես չէ:
Անպայման պատրաստեք, և ես համոզված եմ, որ այն կդառնա ձեր ֆավորիտը:
Եվ այսպես, մեզ անհարժեշտ է.
Բաղադրությունը
Բիսկվիթի համար
Ձվի սպիտակուց – 7 հատ
Շաքարավազ – 180 գր.
Ալյուր – 4 ճ. գդ.
Կակաոյի փոշի – 3 ճ. գդ.
Ընկույզ – 100 գր.
Տորթ էսկիմո
Կրեմի համար
Ձվի դեղնուց – 7 հատ
Շաքարավազ – 180 գր.
Կաթ – 450 մլ
Ալյուր – 3 ճ. գդ.
Եգիպտացորենի օսլա – 2 ճ. գդ.
Կարագ – 200 գր.
Վանիլին – ¼ թ. գդ.
Գանաշի համար
Սև շոկոլադ – 100 գր.
Կաթ կամ սերուցք – 50 մլ
Կարագ – 20 գր.
Տորթ էսկիմո
Պատրաստման եղանակը
Դեղնուցներն առանձնացնում ենք սպիտակուցներից: Դեղնուցները դեռ մի կողմ ենք դնում. դրանք հետո են մեզ պետք գալու:
Հարում ենք սպիտակուցները մի պտղունց աղով՝ ստանալով փքուն փրփուր, աստիճանաբար ավելացնում ենք շաքարավազը և շարունակում հարել՝ մինչ կստանանք կոշտ գագաթներ: Երկու անգամով ավելացնում ենք մաղով ացկացրած ալյուրն ու կակաոն, զգուշորեն խառնում ենք սիլիկոնե գդալով կամ վենչիկով:
Վերջում ավելացնում ենք մանրացված ընկույզը և նորից թեթև խառնում:
22սմ կամ 24 սմ տրամագծով ֆորման ծածկում ենք պերգամենտով, հատակին և կողքերին վրձնով բուսայուղ ենք քսում, լցնում ենք խմորն ու այն տեղափոխում 180 °С տաքացրած ջեռոցը՝ 20 րոպեով:
Բիսկվիթի պատրաստ լինելը ստուգում ենք փայտիկով. այն պետք է խմորից չոր դուրս գա:
Թողնում ենք բիսկվիթը, որ սառչի և անցնում ենք կրեմի պատրաստմանը:
Կաթը դնում ենք կրակին և գոլացնում այն:
Վենչիկով հարում ենք դեղնուցները, շաքարավազն ու մի պտղունց աղը, ավելացնում ենք ալյուրն ու օսլան, խառնում ՝ ստանալով միատարր զանգված, այնուհետև աստիճանաբար ավելացնում ենք տաք կաթը՝ զուգահեռ շարունակելով հարել:
Ստացված զանգվածը լցնում ենք հաստ հատակով կաթսայի մեջ և դնում թույլ կրակին: Անընդհատ խառնում ենք եփովի կրեմը՝ մինչ այն կպնդանա:
Հետևեք, որպեսզի կրեմը չվառվի, այլապես այն ձեռք չբերի վառված հոտ և տհաճ գնդիկներ. այդպես կրեմն այլևս չի լինի նուրբ և միատարր:
Անջատում ենք կրակը, ավելացնում վանիլինն ու թողնում որ կրեմը լրիվ սառչի:
Հարիչով հարում ենք փափկած կարագը մինչ այն կսպիտակի, ինչից հետո գդալ-գդալ ավելացնում ենք եփած կրեմը՝ շարունակելով հարել:
Տորթը հավաքելու համար շատ հարմար է օգտագործել ֆորմայի հանովի օղակը, որի մեջ էլ հենց թխել էինք բիսկվիթը:
Ես բորտի մեջ դնում եմ անհրաժեշտ չափսի պերգամենտ և եզրերն ամրացնում սկոտչով:
Իդելական տարբերակով պետք է օգտագործել ացետատ թաղանթ, բայց, ցավոք, ես դրանք չկարողացա գտնել:
Տորթը հավաքելիս օղակում թաղանթի օգտագործումը շատ հաջող լուծում է: Այն թույլ է տալիս ստանալ կատարյալ հարթ կողքեր, ինչպես նաև դրա օգնությամբ կարող եք տորթը «կառուցել» ցանկալի բարձրությամբ:
Օղակի մեջ դնում ենք բիսկվիթը, վրան լցնում ամբողջ կրեմը, հարթեցնում մակերեսը և դնում սառնարանը՝ մի քանի ժամ կամ ամբողջ գիշեր:
Վերջ, մնաց տորթը ծածկենք գանաշով
Տաքացնում ենք կաթը, հանում կրակից, կաթի մեջ հալեցնում շոկոլադը, ավելացնում կարագը, խառնում և գանաշը լցնում տորթի վրա:
Տորթը կրկին դնում ենք սառնարանը՝ մինչ գանաշի պնդանալը:
Վուալյա, հիանալի տորթը պատրաստ է, կարող եք վայելել:
Ամենայն բարիք և բարի ախորժակ
Տորթ էսկիմո
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected