Բազուկից սառը ապուր. պարզ ու համեղ ապուր
Բարի օր, ընկերներ:
Քանի դեռ դրսում շոգ է, իսկական ժամանակն է պատրաստել բազուկից սառը ապուր. ամենատարածված և պարզ ապուրներից մեկը:
Ռուսաստանում այն պատրաստոում են կեֆիրով, իսկ մենք կպատրաստենք մածունով: Ստացվում է օկրոշկա՝ միայն բազուկով, սակայն համը, բնականաբար, բոլորովին ուրիշ է. ավելի հագեցած և մի փոքր քաղցր` բազուկի շնորհիվ:
Պատրաստման եղանակը
Խաշեք ձուն և բազուկը: Ի դեպ, բազուկը կարելի է նաև ջեռոցում եփել. այդպես այն կպահպանի իր համն ու օգտակար նյութերը: Ես ինքս բազուկը փաթաթում եմ ֆոլգայի մեջ և դնում ջեռոցը 200 աստիճանի տակ՝ մոտ 40 րոպե:
Սառեցված ձուն, բազուկն ու վարունգը մաքրեք և քերեք խոշոր քերիչով:
Կաթսայի մեջ լցրեք բոլոր բաղադրիչները, ավելացրեք կտրատված կանաչին, աղը, սև պղպեղն ու մանանեխը (ըստ ցանկության): Խառնեք:
Կաթսայի մեջ ավելացրեք մածունը, այնուհետև զանգվածը նոսրացնելու, ջրիկացնելու համար՝ սառը եռացրած ջուրը՝ մինչև կստանաք ցանկալի խտությունը: Սովորաբար ես ավելացնում եմ մոտ 2 բաժակ ջուր:
Ապուրը պետք է թողնել սառնարանում մի երկու ժամ:
Բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected