Արագ մարինացված սունկ
Մարինացված սունկ
Ողջույն ընկերներ
Այսօր պատրաստոմ ենք հրաշալի մարինացված սունկ. մեգա արագ՝ ընդամենը 10 րոպեում:
Շատ համեղ և պիկանտ խորտիկ՝ ինչպես ամեն օրվա, այնպես էլ տոնական սեղանի համար: Դրանք կարելի է օգտագործել նաև աղցանների մեջ:
Ընդհանրապես այս բաղադրատոմսի համար հարմար կլինի ցանկացած տեսակի սունկ, պարզապես մեր շուկայում չկա մեծ բազմազանություն, ուստի ես պատրաստում եմ կա՛մ շամպինիոններից, կա՛մ կախասնկից: Շամպինիոնները պետք է լինեն մանր:
Իմիջիայլոց, կախասնկի օգտագործումն իջեցնում է խոլեստերինի մակարդակը արյան մեջ, նպաստում օրգանիզմում երկաթի, յոդի, կալիումի, կալցիումի մատակարարմանը, ինչպես նաև կարգավորվում աղիների աշխատանքը:
Բացի դրանից՝ սունկը շատ ցածր կալորիականություն ունի՝ 100 գր.-ում ընդամենը 38 կկալ:
Դրա համար ձեր ռացիոնում հաճախ ներառեք սունկը՝ հատկապես պահքի ընթացքում:
Մարինացված սունկ
Բաղադրիչները՝
Շամպինիոն կամ կախասունկ - 1 կգ
Հատիկավոր սև պղպեղ - 6-7 հատ
Հատիկավոր բահար - 5 հատիկ
Մանանեխի սերմ - 0.5 ճ. գդ.
Համեմի սերմ - 0.5 ճ. գդ.
Դափնու տերև - 2 հատ
Քացախի էսենցիա - 2 թ. գդ.
Շաքարավազ - 2 թ. գդ.
Բուսայուղ - 2 ճ. գդ.
Աղ - 1 ոչ լիքը ճ. գդ.
Սամիթ - մի քանի ճյուղ
Պատրաստման եղանակը
Սունկը լավ լվացեք, լցրեք կաթսայի մեջ: Ջուրն ավելացրեք այնքան, որ այն հազիվ ծածկի սունկը: Եռալուց հետո եփեք ընդամենը 1րոպե:
Քափքաշով հանեք սնկերն ու տեղափոխեք մեկ այլ թասի մեջ:
Հիմա այն ջրում, որտեղ եփել եք սունկը, կպատրաստենք մարինադը:
Ջուրը պետք է լինի մոտ 1-1.2 լիտր: Եթե տեսնում եք, որ այն ավելի շատ է, պարզապես թափեք ավելորդ ջուրը:
Ավելացնում ենք բոլոր համեմունքները, էսենցիան և բուսայուղը: Մարինադի մեջ ենք լցնում սունկը, փակում կաթսայի կափարիչն ու թողնում, որ թողնում սառչելու սենյակային ջերմաստիճանում:
Դրանից հետո դնում ենք սառնարանը և արդեն հաջորդ օրը կարող ենք վայելել համեղ մարինացված սունկը:
Մատուցելիս կարող ենք դրանց վրա լցնել բարակ կիսաշրջանաձև կտրատված սոխ և թարմ սամիթ:
Ի դեպ, սառնարանում սունկը պահպանվում է 15-20 օր, սակայն դրանք մեր տանը երկար չեն դիմանում ☺️
Բարի ախորժակ
Մարինացված սունկ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected