Ամերիկյան կարտոֆիլային աղցան
Ամերիկյան կարտոֆիլային աղցան
Այսօր պատրաստում ենք Ամերիկայի ամենահայտնի աղցաններից մեկը՝ կարտոֆիլային աղցանը:
Սա պարզ ու առանց հավակնությունների, բայց, միևնույն ժամանակ, շատ համեղ և կշտացնող աղցան է, որը հիանալի լրացում է տապակած մսին և հավին:
Աղցանի առավելությունը նաև նրանում է, որ այն կարելի է նախօրոք պատրաստել. որքան երկար այն մնա սառնարանում, այնքան ավելի համեղ կդառնա:
Եվ այսպես, գնացինք.
Բաղադրիչները՝
Կարտոֆիլ – 5 հատ
Ձու – 5 հատ
Կորնիշոն վարունգ – 10 հատ
Կարմիր սոխ – 1 հատ
Նեխուր – 1 ցողուն
Կարմիր բուլղարական պղպեղ – 1 հատ
Մայոնեզ – 2 ճ. գդ.
Դիժոնյան մանանեխ – 1 ճ. գդ.
Վարունգի մարինադի ջուր – 3 ճ. գդ.
Սամիթ
Աղացած սև պղպեղ՝ ըստ ճաշակի
Աղ՝ ըստ ճաշակի
Ամերիկյան կարտոֆիլային աղցան
Պատրաստման եղանակըԱվելի լավ է կարտոֆիլը տապակել ջեռոցում: Դրա համար պատառաքաղով այն ծակծկում ենք մի քանի տեղից, համեմում աղով, վրան ձիթապտղի կամ այլ բուսայուղ քսում, փաթաթում ֆոլգայի մեջ (յուրաքանչյուրն առանձին) և դնում ջեռոցը՝ մինչ պատրաստ լինելը:
Ինչից հետո մաքրում ենք կեղևը և կտրատում խոշոր կտորների:
Խաշած ձուն կտրատում ենք 8 մասի և ավելացնում կարտոֆիլին:
Այնտեղ ենք ավելացնում նաև բարակ կիսալուսնաձև կտրատված սոխը, բարակ կտրատված նեխուրի ցողունը, բուլղարական պղպեղը, կորնիշոնները ու սամիթը:
Թանձրուկի համար խառնում ենք մայոնեզն ու մանանեխը, ավելացնում վարունգի մարինադի ջուրը, աղացած սև պղպեղն ու աղը:
Լցնում ենք աղցանի վրա՝ զգուշերոն խառնելով: Վրան կարող ենք ցանել մանր կտրատված կանաչ սոխ:
Ամենայն բարիք և բարի ախորժակ
Բաղադրատոմսը կարող եք Save անել՝ սեղմելով վերնագրի ներքևում գտնվող կոճակը:
Այլ բաղադրատոմսերի համար անցեք հղումով:
Ինչպես նաև հետևեք մեզ Facebook-ում և Instagram-ում
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Կարող եք դիտել նաև
[quads id=7]
Stay connected