Ինչ գնել Dior –ից. իմ ֆավորիտները
Երբ խոսում ենք լյուքս կոսմետիկ միջոցների մասին, գրեթե անհնար է չհիշատակել այս բրենդը:
Մի անգամ ինչ-որ մի տեղ կարդացել եմ «Dior-ի ոճը կյանքը վառ ապրելու և ցանկացած հանգամանքում ինքդ քեզ ու քո իդեալներին հավատարիմ մնալն է»:
Եթե անկեղծ, ես Dior կանացի օծանելիքի շարքի մեծ երկրպագու չեմ, սակայն երբ հերթը հասնում է բրենդի կոսմետիկ միջոցներին…
Առաջ ընկնելով որպես գաղտնիք ասեմ, առաջիկա հոդվածներից մեկն ամբողջությմաբ նվիրելու եմ Dior -ի նոր պրոդուկտներից մեկին, որն ուղղակի հիացրել է ինձ:
Իսկ հիմա կխոսենք ոչ պակաս ընտիր միջոցների մասին:
Եվ այսպես…
Առաջին պրոդուկտը՝
Dior BACKSTAGE Rosy Glow
Սա հիանալի ընտրություն է գարնան և ամռան համար:
ԲԱՅՑ այս կարմրաներկով հնարավոր է! չափն անցնել…
Բանն այն է, որ բրենդը տեխնոլոգիա է մշակել, երբ գույնն սկսում է արտահատվել մաշկի ջերմությունից:
Այսինքն, երբ մենք քսում ենք այս կարմրաներկը, սկզբում մեզ կարող է թվալ, որ պիգմենտացիան շատ թույլ է և մաշկին լավ չի փոխանցվում, ՍԱԿԱՅՆ պետք է սպասել ընդամենը 30-40 վայրկյան և կտեսնենք գույնի ողջ ինտեսիվությունը:
Այնպես որ պետք չէ պրոդուկտից շատ քսել դեմքին:
Ինչ գնել Dior–ից. իմ ֆավորիտները
Dior FOREVER Natural Nude
Անպայման խորհուրդ եմ տալիս ուշադրություն դարձնել այս տոնային քսուքին: Այն ունի թույլից միջին ծածկողականություն: Դեմքին ծանրություն չի հաղորդում, չունի դիմակի էֆեկտ, ունի թեթև փայլ, այսինքն՝ լրիվ բնական ֆինիշ:
Միայն մի բան. Dior-ի գրեթե բոլոր տոնային քսուքները ժամանակի ընթացքում տարայում մգանում են, այնպես որ կարող եք վերցնել ավելի բաց երանգ:
Համենայն դեպս ես այդպես եմ անում:
Bestseller 😍
Dior Addict Lip Sugar Scrub
Իհարկե ես չէի կարող չխոսել սրա մասին:
Շատ եմ սիրում հենց շաքարով սկրաբային տարբերակը, որովհետև այն հալվում է շրթունքներին՝ աննկարագրելի փափկացնելով դրանք, և, մևնույն ժամանակ, նրանց փոխանցելով բալզամի երանգը:
Շատ լավ տարբերակներ են նաև դասական Dior Addict Lip Glow –ն և Lip Glow Oil տարբերակները:
Քանի որ սրանք երևի բրենքդի ամենամատչելի միջոցներն են, խորհուրդ եմ տալիս, Dior–ի հետ ծանոթությունն սկսել հենց այս միջոցներից:
P.S. Ես շատ լավ հասկանում եմ, որ Dior- ը բավականին թանկ բրենդ է, և ներկա պայմաններում, ցավոք սրտի, շատերը չէ, որ կարող են այն թույլ տալ իրենց:
Եթե հանգամանքներից ելնելով դուք հիմա չեք կարող այս միջոցները գնել, հոգ չէ, սա ընդամենը կոսմետիկա է, պետք չէ տխրել: Շուկայում կան բազմաթիվ բյուջետային բրենդներ, որոնք սպառողին են առաջարկում որակյալ արտադրանք:
Հետևեք իմ նյութերին, ես պարբերաբար կիսվում եմ նման միջոցներով 😉
Նկարները՝ Sephora.com կայքից
Դե ինչ, այսօր այսքանը, չմոռանաս հետևել ինձ ինստագրամում 😉
Իսկ բլոգային այլ հոդվածներս կարող ես կարդալ այստեղ
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Հաճախ դիտված գրառումներ
[quads id=7]
Stay connected