2022-ի ամենաակտուալ գույնը. ո՞րն է և ինչպե՞ս կրել 

2022-ի ամենաակտուալ գույնը.

Թմբուկների ձայների ներքո դիմավորեք այս տարվա գլխավոր գույնին՝ մանուշակագույնին։

Այո՛, այո՛… հենց այս գույնն է ընտրել PANTON-ը, որպես 2022-ի ամենաթրենդային և ակտուալ գույն, իսկ ավելի կոնկրետ՝ 17-3938 Very Peri:

Դե ինչ, սիրելիներս հարմար տեղավորվեք, որպեսզի միասին ուղևորվենք մանուշակագույնի աշխարհ։

Կպատմեմ՝ ինչպես կրել և որտեղից գտնել ակտուալ իրեր այս գույնի մեջ:

Դիտելով մի քանի հայտնի նորաձևության տների ցուցադրությունները՝ նկատեցի, որ այս գույնը օգտագործվել է տարբեր երանգներով՝ բաց, նուրբ պաստելային երանգից, մինչև մուգ կապտա-կարմրա- մանուշակագույն երանգը։

2022-ի ամենաակտուալ գույնը

Հետևաբար ֆոտո օրինակներում կներկայացնեմ ոչ միայն այն հիմնական մանուշակագույնը, որը ընտրել է PANTON-ը, այլ ընդհանուր դրա բոլոր երանգները։

Շատ գեղեցիկ և էլեգանտ տարբերակ է մոնոխրոմ հագուստը՝ մանավանդ մուգ մանուշակագույնի դեպքում, այն մի տեսակ ազնվական տեսք է հաղորդում կերպարին։

Իսկ հիմա առավել պարզ պատկերացնելու համար գունային համադրությունները՝ այստեղ կտեղադրեմ Օսվալդի գունային կլորը, որպես օգնական։

Ելնելով այս կլորից՝ մանուշակագույնը և դեղինը գտնվում են իրար դեմ դիմաց և, հետևաբար, իդեալական համադրվում են։

Օրինակ՝ կարող ես վերցնել պաստելային մանուշակագույն և վառ դեղին, կամ հակառակը։ Իսկ եթե չես վախենում վառ կերպարից, ապա օգտագործիր երկուսն էլ վառ երանգով:

Մանուշակագույնը բացի դեղինից հիանալի համադրվում է նաև կանաչ, նարնջագույն, կապույտ, վարդագույն և կարմիր գույների հետ։

Ինչու՞ կարմիրի և կապույտի։ Հիմա բացատրեմ. քանի որ մանուշակագույնը ստանում են կարմիր և կապույտ գույները խառնելուց, հետևաբար մանուշակագույնն արդեն պարունակում է այս գույները:

Նաև կարող ես օգտվել COLOR BLOCK տեխնիկայից:

Նորից դիտում ենք Օսվալդի գույների կլորը և վերցնում մանուշակագույնին մոտ գույները և դրանց երանգները՝ վարդագույն, կապույտ, ինչպես նաև դեղինին մոտ գտնվող գույները՝ կանաչ և նարնջագույն։

Իսկ եթե պատրաստ չես զգեստապահարանումդ ավելացնել այս գույնի հագուստ, սակայն ցանկանում ես լինել թրենդային և թեմայի մեջ, ապա կարող ես կերպարումդ օգտագործել այն աքսեսուարների տեսքով՝ կոշիկ, գոտի, պայուսակ, բրոշ, ակնոց և այլն։

Ավարտելով համադրությունների թեման՝ սահուն անցում կատարենք պրակտիկայում տեսնելու տարբերակին։ Մի քանի Street Style տարբերակներ Pinterest-ից։

Ինչպես նշեցի՝ հիանալի է մոնոխրոմ տարբերակը, սակայն հետաքրքիր մատուցելու համար կարող ես խաղալ գործվածքի, մատերիալի հետ՝ օրինակ կաշվե մանուշակագույն կիսաշրջազգեստ և փափուկ սվիտեր։

Իսկ հիմա անցնում ենք այն հատվածին, որտեղ կտեղադրեմ նկարներ մասս-մարկետից։

2022-ի ամենաակտուալ գույնը

2022-ի ամենաակտուալ գույնը

2022-ի ամենաակտուալ գույնը

Դե ինչ, հուսով եմ կգտնես այս գույնն օգտագործելու քեզ հարմար տարբերակը:

Հետևիր ինձ նաև Instagram_ում, որ ոչինչ բաց չթողնես:

Նորաձևությանն առնչվող այլ նյութերի համար անցիր հղումով :

Նկարներում պատկերված իրերը կարող եք գտնել  Lime, Zarina կայքերում:

Նկարներում պատկերված իրերը կարող եք գտնել Ferfetch, կայքում;