Անտի անտիթրենդ։ Ինչպե՞ս կրել սկիննի ջինսերը 

Ինչպե՞ս կրել սկիննի ջինսերը

Զարմանալի է չէ՞, բայց սկիննի ջինսերը այլևս անտիթրենդ չեն։ Ասեմ ավելին՝ սկիննին 2021-ի ակտուալ թրենդներից է։

Կանացի, գեղեցիկ, ունիվերսալ սկիննիները պահանջված են հատկապես ամռանը, ինչն իհարկե միայն ուրախացնում է։

Անգամ շատ հայտնի դիզայներներ եկան այն մտքին, որ սկիննի ջինսերը միմիայն ընդգծում են կանացի գեղեցկությունը, այլ ոչ հակառակը։

Բացեմ փոքրիկ գաղտնիք. ես սկիննիի սիրահար եմ, և այս թրենդը կարծես հատուկ ինձ համար լինի։

Ինչպե՞ս կրել, ինչի հետ և ինչ կոշիկով հենց հիմա կներկայացնեմ քեզ։

 « Երբ կընտրես իդեալական սկիննի, ուշադրություն դարձրու այս մի քանի նյուանսներին. միմիայն բարձր գոտկատեղ, չմշակված ծայրեր, համաչափ ծալվածքներ, մի փոքր քրքրվածություն, հաստ ջինսե կտոր և, իհարկե դենիմի, ակտուալ գույներ»

Ինչպես նաև թրենդային են` կարճեցված գրկող բոլոր մոդելները, եփված դենիմը (варёные джинсы), ռետրո ոճը և վինտաժը։

Ժամանակակից սկիննի ջինսերը համադրվում են գրեթե բոլոր վերևների (բլուզներ, վերնաշապիկներ և այլն) հետ։ Այնպես որ մի վախեցիր էքսպերիմենտներից, ստեղծիր գեղեցիկ, հետաքրքիր, անկրկնելի կերպարներ։

Ինչպե՞ս կրել սկիննի ջինսերը

Սկիննի. և՛ էլեգանտ, և՛ գործնական

Ի տարբերություն լայն կտրվածքով մոդելների՝ սկիննին հիանալի մտնում է գործնական աութֆիտի մեջ և համադրվում բլուզների ու վերնաշապիկների հետ։

Այս մոդելները կարող ես համադրել ատլասե տոպի հետ և որպես վերջնական կերպարի լրացում ավելացնել պիջակ, ժակետ կամ բլեյզեր ու մի զույգ բարձրակրունկ կոշիկ։

Հասարակ է, բայց ոճային 😉

Պարզապես հիշիր՝ գործնական ոճը սիրում է զսպվածություն, այնպես որ ընտրիր բազային գույներ` մոխրագույն, կապույտ, սև կամ կաթնագույն։

«Չմոռանաս, որ բարձր գոտկատեղը և ներս դրված վերնաշապիկը կամ բլուզը վիզուալ երկարացնում են ոտքերը և նիհարեցնում են` հատկապես  բարձր կրունկով կոշիկների տանդեմում»

Գրեթե մեկ ամսից աշուն է, ինչ խոսք, սեպտեմբերը համեմատաբար տաք է, սակայն պետք չէ մոռանալ, որ ամեն դեպքում աշունը մնում է աշուն: Այս եղանակի համար էլ  կան շատ նորաձև տարբերակներ սկիննիներով և ակտուալ օվերսայզ ջեմպերներով, սակայն լավագույն օֆիսային տարբերակը նեյտրալ գույների լայն սվիտերն է, բազային աքսեսուարները և կոշիկ լոդոչկաները։

Որպես կերպարի ամբողջական համալրում օգտագործիր աչք չծակող, կոկիկ աքսեսուարներ, որոնք  նորաձև են այս տարի` կաշվե գոտիներ, էլեգանտ պայուսակներ, վզի շղթաներ, սև արևապաշտպան ակնոց։

Ֆոտո օրինակների միջոցով պարզ է դառնում, որ ամենաբազային իրերից, որոնք համադրվում են սկիննիի հետ կարող ենք ստանալ միանգամայն օրիգինալ գործնական տեսք։

Ինչպե՞ս կրել սկիննի ջինսերը

Սկիննին ամենօրյա կերպարներում

Կարող եմ վստահորեն ասել, որ սկիննին ուղղակի ստեղծված է ամենօրյա աութֆիտի համար։

Համադրելով այս ջինսերը ֆուտբոլկաներով, բաճկոն-կոսուխայով, կարճեցված տոպով, կրասովկաներով կամ թրենդային բոկոտիկներով` դու կարող ես կազմել աներևակայելի, հարմարավետ, ոճային և գրավիչ լուքեր։

Մի վախեցիր փորձել նորը և հետաքրքիրը` օրինակ 2021-ին նորաձև է սպիտակ սկիննի դենիմը։

Բաց գույնի դենիմից ստեղծված կերպարները երևում են շատ թարմ, կանացի և հոյակապ։

Սպիտակ ջինսերը շատ լավ համադրվում են յուրաքանչյուր գույնի ֆուտբոլկաների, տալստովկաների, կոնտրաստային վերնաշապիկների, սպորտային ոճի կոշիկների և բոկոտիկների հետ։

Սև, մոխրագույն և կապույտ գույնի ջինսերը ևս լավ տարբերակ են ինչպես ամռան, այնպես էլ ցուրտ եղանակների համար։

Լրացրու զուսպ ֆուտբոլկայով կամ կաշվե բաճկոնով  և դու կլինես թրենդային։

Ամռանը մնացել է մեկ ամիս և հիանալի տարբերակ է կարճեցված սկիննին, որը թույլ կտա ընդգծելկանացի գեղեցկությունը՝ ակցենտ դարձնելով բաց կոճերը: Քո աութֆիտը աննկատ չի մնա շրջապատի աչքից 😉

Դե ինչ, այս ամենից ելնելով՝ կարճ համառոտագրություն.

Սկիննին համապատասխանում է ցանկացած տարիքի կնոջ, տեղին է ցանկացած սեզոնին և համադրվում է գրեթե յուրաքանչյուր ոճի հետ։

Այնպես որ, եթե մինչ այս դու էլ շատերի պես մտածում էիր, որ սկիննին անտիթրենդ է, ապա ժամանակն է վերափոխել քո վերաբերմունքը այս մոդելի հանդեպ։

Նկարները վերցված են Maria Vizuete-ի Instagram-ից

Հետևիր ինձ նաև Instagram_ում, որ ոչինչ բաց չթողնես:

Նորաձևությանն առնչվող այլ նյութերի համար անցիր հղումով :