Հարսանյաց ատրիբուտիկա. Տենդենցներ 2021 

Հարսանյաց ատրիբուտիկա. Տենդենցներ 2021

Մեզանից յուրաքանչյուրն էլ ցանկանում է, որպեսզի իր հարսանյաց արարողությունը  լինի ամենամտածվածը, ամենահետաքրքիրը, ամենագողտրիկը…մի խոսքով՝ ամենա-ամենան:

Այս ամենի համար  կարևոր են նույնիսկ առաջին հայացքից աննշան թվացող յուրաքանչյուր մանրուք, յուրաքանչյուր ատրիբուտ։

Այսօր կքննարկենք դրանցից մի քանիսը.

Հարսանյաց տորթ

Սա հարսանիքի իմ սիրած մասերից մեկն էլ, կարելի էր ասել՝ ամենահամեղ մասը։

Հիմա հարսանյաց տորթերը ավելի շատ արվեստի գլուխգործոցներ են հիշեցնում և այդպիսով դառնում երեկոյի գլխավոր հերոսներից մեկն ու հյուրերի հիացմունքի առարկան։

Սակայն այս ամենի կողքին նորաձև են պարզ, լակոնիկ ու էլեգանտ տարբերակները:

Բնականաբար այստեղ կարևոր է, որ տորթը լինի արարողության ֆորմատի և ընդհանուր զարդարանքի շրջանակներում:

Սակայն հիշիր՝ չմոռանաս ճիշտ հաշվարկել բանկետի մենյուն և տորթի քաշը, որպեսզի ավելին չվճարես կամ որպեսզի հանկարծ հյուրերից մի քանիսը չմնան առանց տորթի։

Հարսանյաց ատրիբուտիկա. Տենդենցներ 2021

2021-ի հարսանյաց խնջույքի գույները

Նյուդը և պաստելային երանգները միշտ թրենդային են՝ հատկապես վերջին մի քանի տարիներին։ Դատելով  նորաձևության տենդենցներից՝ դրանք չեն էլ պատրաստվում իրենց տեղը զիջել:

Սակայն վառ գույները ևս չեն զիջում իրենց տեղը։

Ինչպես գիտես,  նորաձևությունը միշտ վերադառնում է. այս դեպքում հետ է վերադարձել կլասիկան և դարձյալ գտնվում է նորաձրության պիկում։

Սև գույնը վաղուց արդեն չի համարվում «ոչ հարսանյաց»։ Սակայն այստեղ պետք է լինել շատ զգույշ. կարևորը դեկորում կարողանալ ակցենտները ճիշտ դնել, որպեսզի սևի խստությունը և լակոնիկությունը վերափոխվեն խնջույքի զարդի։

Թրենդային դեկորներ

Դեկորներից թրենդային են բարձր մոմերը։ Առավել ուշադրության են արժանի ձեռքի աշխատանքները։

Սեղանի դասավորությունը ժամանակակից հարսանյաց դեկտորի կարևոր տարրերից է։ Այն կարող է ուշադրությունն իր վրա սևեռել, անգամ եթե սեղանին չկան ծաղիկներ։ Գեղեցիկ սպասքը, ծաղկավոր սփրոցները, անձեռոցիկները` այս ամենը հիանալի կոմպոզիցիա են ստեղծում։

Հարսանիքը խնջույք է, որտեղ ցանկանում ես, որ ամեն ինչ ծաղկի։ Կանաչն ու ծաղիկները դարձել են ոչ միայն դեկորի էլեմենտներից, այլև գլխավոր ակցենտներից մեկը՝ իրենց մեջ կրելով  ինչ որ նոր բանի ծնվելու գաղափարը։

Հարսանյաց ատրիբուտիկա. Տենդենցներ 2021

Բացօթյա տարածքներում ոչ մի հարսանյաց խնջույք հնարավոր չէ պատկերացնել առանց հարսանյաց կամարի։ Նախկինում հիմնականում հարսանյաց կամարները միաձև էին` ծաղիկներ+սեղան, սակայն հիմա թրենդային են տարբեր ձեւերի, տարբեր նյութերից, տարբեր չափսերի կամարները` զարդարված տարբեր ատրիբուտներով։

Հետաքրքիր թրենդային լուծումներ են փայտի և մետաղի կամ մետալիկի և ապակու օգտագործումը։

Թափանցիկությունը դեկորում հարսանիքին հաղորդում է թեթև և ամպային տրամադրություն։ Սա մինիմալիզմի հիմնական դրսևորումն է, որը շատ ոճային է նայվում

Հիշեք՝ հարսանիքը միայն Ձեր տոնն է։

Արեք ինչ ուզում եք և օգտագործեք վերևում նշված տենդենցները, եթե ցանկանում եք։

Հոդվածի առաջին և երկրորդ մասերը կարդացեք այստեղ` առաջին մասը, երկրորդ մասը: 

Հետագա հոդվածներում կշարունակեմ կկսիվել հարսանյաց բոլոր ժամանակակից տենդենցների հետ՝ փորձելով օգնել ապագա հարսիկներին:

Հետևիր ինձ նաև Instagram_ում, որ ոչինչ բաց չթողնես:

Նորաձևությանն առնչվող այլ նյութերի համար անցիր հղումով :