Կոնժակ սպոնժ. հերթական բյութի «հրաշքը», որը մեզ մոտ է եկել Ասիայից:
Այն հիանալի մաքրում է մաշկը՝ միևնույն ժամանակ նաև խնամելով այն: Սպոնժն ամբողջ աշխարհում լայն տարածում է գտել վերջին մի քանի տարվա ընթացքում, սակայն Ասիայում այն օգտագործում էին դեռ 2000 տարի առաջ:
Կոնժակ սպոնջն ամբողջովին բնական է. այն պատրաստվում է հսկայական քանակությամբ օգտակար բաղադրիչներով օժտված բազմամյա արևելյան բույսից: Սպոնժի պատրաստման ընթացքում չեն օգտագործվում արհեստական հավելումներ կամ գունանյութեր:
Ինչպես արդեն նշեցի, սպոնժը հիանալի մաքրում է մաշկը ցանկացած կեղտոտվածությունից՝ կլինի դա մեյքափի մնացորդներ, մահացած բջիջներ, թե մաշկի գերյուղոտվածություն: Կոնժակ սպոնժը հիանալի մաքրում է նաև ծակոտիները՝ այդպիսով լուծելով սև կետիկների հարցերը:
Եվ հենց այս պատճառով այն դարձել է երեկոյան ռիտուալի իմ անբաժան մասը:
Ի տարբերություն սովորական սպոնժի՝ կոնժակ սպոնժն ունի մի շարք առավելություններ.
Այն մաքրում է մաշկն ու հեռացնում մահացած բջիջները՝ առանց գրգռելու և վնասելու
Հանդիսանում է բնական անտիսեպտիկ միջոց
Օգնում է պայքարել սև կետիկների դեմ
Հիանալի մաքրում է մաշկը:
Կարող ես ընտրել հենց քո մաշկի տեսակին և խնդրին հարմար տարբերակը
Կոնժակ սպոնժ. ի՞նչ, ի՞նչու և ի՞նչպես
Կոնժակ սպոնժը չոր վիճակում շատ պինդ է: Այն պետք է թրջել տաք ջրում 2-3 րոպե, որպեսզի ամբողջությամբ փափկի:
Մաշկը կարելի է մաքրել ինչպես պարզապես միայն սպոնժով, այնպես էլ դրան սիրելի լվացվելու միջոց ավելացնելով:
Ես անում եմ թե այնպես, թե այնպես:
Օգտագերծելուց հետո սպոնժը պետք է լվանալ հոսող ջրով և չորացնել՝ կախելով իր վրայի թելից:
Չորանալուց հետո սպոնժը կրկին պնդանում է:
Ճիշտ է՝ չոր միջավայրում մանրէները չեն բազմանում, բայց ամեն դեմքում, մեկ-մեկ իմ սպոնժը 1 րոպեով դնում եմ եռացրած ջրի մեջ (չի կարելի ավելի շատ):
Կոնժակ սպոնժը պետք է փոխել 2 ամիսը մեկ: Քանի որ սպոնժերը լինում են տարբեր գնային սանդղակներում, դա անելը մեծ խնդիր չէ:
Ինչպես արդեն ասեցի կախված մաշկի տեսակից և խնդիրներից՝ սպոնժերը լինում են մի քանի տեսակ: Դրանք տարբերվում են իրենց գույնով:
Սև՝ բամբուկի ածուխից: Ես հենց այս տարբերակն եմ օգտագործում: Այն նախատեսված է պրոբլեմային մաշկի համար:
Կանաչ՝ թեյի ծառի էքստրակտով: Այս տարբերակը օգնում է պայքարել պիգմենտների դեմ:
Վարդագույն՝ վարդագույն կավից: Նախատեսված է գերզգայուն մաշկի համար:
Դեղին՝ կուրկումայի էքստրակտով: Այն համապատասխանում է տարիքային մաշկի համար, քանի որ կուրկուման օգնում է պայքարել մաշկի տարիքային փոփոխությունների դեմ:
Կարմրա-նարնջագույն՝ կարմիր կավով: Օգնում է հարթեցնել մաշկի երանգը և խոնավացնել այն:
Ես խորհուրդ չէի տա ինչպես ցանկացած սպոնժ, այնպես էլ կոնժակ սպոնժն օգտագործել ակտիվ ակնեի ժամանակ, քանի որ կա վտանգ, որ այդպես ակնեն ավելի կտարածվի:
Բացի այդ՝ անպայման ընտրեք հենց ձեր մաշկի տեսակին համապատասխանող կոնժակ սպոնժն ու փորձեք այն:
Դե, մինչ հանդիպում 😉
Անպայման հետևիր Kisvir.am -ի ինստագրամյան կամ ֆեյսբուքյան էջերին, որ ոչինչ բաց չթողնես։
Շնորհակալություն, գեղեցկուհի
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Հաճախ դիտված գրառումներ
[quads id=7]
Stay connected