Պրոբլեմային մաշկը և դիմահարդարումը. թոփ սխալներ
Ինչպես վերնագրից արդեն հասկացաք, այսօր խոսելու ենք դիմահարդարման մեջ ամենատարածված սխալներից:
ԲԱՅՑ
Այս քայլերը ԵՍ եմ համարում սխալ՝ ելնելով իմ անձնական փորձից և դիտարկումներից: Բնականաբար, դուք իրավունք ունեք չհամաձայնել ինձ հետ ☺️
Սկսեցինք…
Ամենատարածված և, թերևս, ամենաբարդ սխալը բարձր ծածկողականություն և դիմակի էֆեկտ ունեցող տոնային քսուքների օգտագործումն է առօրյայում:
Ինչու՞ է սա բարդ… որովհետև առաջացնում է մի շարք խնդիրներ, որոնց մասին մենք արդեն խոսել ենք նախորդ հոդվածներում:
Եթե հակիրճ, ապա այսպես մենք միայն վնաս ենք հասցնում մեր մաշկին, կամ ժողովրդական լեզվով ասած. «Ունքը սարքելու տեղը աչքն էլ եք հանում» 😇
Լավագույն տարբերակը թեթև տեքստուրաներին և հատուկ պրոբմելատիկ մաշկի համար նախատեսված տոնային քսուքներին նախապատվությունը տալն է:
Թե ինչ տոնային քսուքներ եմ օգտագործում ակնեի և պոստակներ դեմ, կարող եք կարդալ այստեղ:
Անհրաժեշտության դեպքում կարելի է միայն կոնկրետ հատվածը քողարկել խիտ կրեմով, այլ ոչ ամբողջ դեմքը:
Գլխավոր սխալներից մեկը հիպեր անփայլ տոնային քսուքի ընտրությունն է, քանի որ բնական ֆինիշ ունեցող տոնայինը դեմքին կհաղորդի առողջ փայլ:
Իմ սիրելի բյութի բլոգերներից մեկն այս առիթով մի անգամ ասաց. «Հիանալի է ունենալ առողջ մաշկ, այլ ոչ հիանալի քողարկված մաշկ»
Հաջորդ «սխալը» սիլիկոնե պրայմերներ օգնագործելն է:
Ինչու՞ եմ այստեղ սխալ բառը վերցրել չակերտների մեջ. որովհետև սա ոչ միշտ է սխալ:
Այս դեպքում կարելի է տվյալ պրայմերը մի որոշ ժամանակ անընդհատ քսել դեմքի որևիցե մի մասին և տեսնել, թե մաշկն ինչպես է արձագանքում դրան:
ԲԱՅՑ, կարևոր է չմոռանալ լավ մաքրել մաշկը՝ ծակոտիների խցանումից խուսափելու համար:
Հաջորդ սխալը դեմքի գույնին ոչ ճիշտ տոնային կրեմի ընտրությունն է: Ավելին՝ վարդագույն երանգ ունեցող տոնային ընտրելն է:
Վարդագույնն էլ ավելի կընդգծի պոստակնեի կարմիր հետքերը:
Հիմա կոսմետիկա արտադրող շատ ընեկերություններ առհասարակ իրենց գույների շարքից հանում են շատ վարդագույն երանգները:
Տոնայինի գույնն ընտրելիս հիշեք, որ այն պետք է համապատասխանի ձեր պարանոցի գույնին:
Պրոբլեմային մաշկը և դիմահարդարումը. թոփ սխալներ
Մյուս սխալը դեմքի ակտիվ կորեկցիա անելն է կամ մոդայիկ լեզվով ասած՝ կոնտուրինգը:
Եթե այդ հատվածներում ունեք բորբոքումներ և ակնե, ցանկալի է բաց թողնել այս քայլը: Ես խուրհուրդ կտայի նման պարագայում խուսափել նաև կարմրաներկ (румяна) օգտագործելուց:
ԱՄԵՆԱԿԱՐԵՎՈՐ սխալը ոչ ստերիլ ձեռքերով կամ չլվացած վրձիններով պրոդուկտը դեմքին քսելն է:
Հիշեք. վրձինները պետք է լվանալ ամեն օր՝ հատկապես, եթե ունեք ակտիվ բորբորքային պրոցես և ակնե:
Սա սխանելի իմ թոփ վեցնյակն էր: Հուսով եմ՝ շատ կետերում մենք համակարծիք ենք միմյանց հետ ☺️
Իսկ ակնեի իմ խնամքին, ավելի ճիշտ ակնեի դեմ պայքարի իմ բանաձին կարող եք ծանոթանալ՝ անցնելով հղումով:
Դե, մինչ հանդիպում 😉
Անպայման հետևիր Kisvir.am -ի ինստագրամյան կամ ֆեյսբուքյան էջերին, որ ոչինչ բաց չթողնես։
Շնորհակալություն, գեղեցկուհի
Այս բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Kisvir.am հարթակի ադմինիստրացիայի տեսակետների հետ
Հաճախ դիտված գրառումներ
[quads id=7]
Stay connected